مالدىڭ ءتىلى ۋىلىپ, جەم-ءشوپ جەي الماي قالادى. رەسمي تىركەلگەن دەرەك بويىنشا 5 بۇزاۋ ولگەن. الايدا, جاقىندا الەۋمەتتىك جەلىدە ەرەيمەنتاۋ اۋدانىنىڭ ەركىنشىلىك اۋىلىنىڭ قوقىس توگەتىن ورنىندا مال ولىكسەلەرى جاتقان بەينە تاراعان ەدى. ونى تۇرعىندار قىستا وزدەرى شىعارىپ تاستاعان ولەكسەلەر بولۋ دا مۇمكىن. مال اۋرۋىنىڭ ەڭ كوپ تىركەلگەنى دە وسى اۋىلدىق وكرۋگ. سونداي-اق 200-دەن استام قويعا اۋرۋ جۇققان. سىناما ناتيجەسى ءالى بەلگىسىز. مال دارىگەرلەرى بۇل بىلتىر وبلىستا تىركەلگەن اۋسىل اۋرۋى دەگەن بولجام ايتقان.
مامانداردىڭ ايتۋىنشا, مينيسترلىكتەن اقپان ايىندا بەرىلۋى ءتيىس ەكپە كەشىگىپ جاتىر. ۆاكتسينا ءبىر اپتادان كەيىن كەلەدى دەپ كۇتىلۋدە. جەتكىزىلسە, مالدارعا بىردەن ەكپە سالىنادى. ال ازىرگە جەرگىلىكتى ۆەتەرينارلار قولدارىندا بار ءدارى-دارمەكپەن امالداپ وتىر.
«ماتەريالدى اپارعانمەن وعان ولاردىڭ دياگنوستيكۋمى جوق. بىزگە قاجەتتى نەگىزگى ساراپتامامىزدى بەرە الماي وتىر. بىراق ەندى بىلتىرعى جىلعا قاراعاندا ءبىزدىڭ پايىمىمىز بويىنشا سول اۋرۋ. ۆاكتسينالار وسى ۋاقىتقا شەيىن بەرىلگەن جوق. كۇننەن-كۇنگە وسى اۋىرعان مالداردىڭ سانى ارتۋدا. سوندا دا ءبىزدىڭ مال دارىگەرلەردىڭ كۇشىمەن اۋىرعان مالدار جازىلىپ جاتىر», دەدى اقمولا وبلىستىق ۆەتەريناريا باسقارماسىنىڭ باسشىسى تالعات ءجۇنىسوۆ.
