پوليتسياعا دۇكەن ديرەكتورى ارىزدانىپ, عابدۋللين كوشەسىندەگى زەرگەرلىك دۇكەنىنەن بەلگىسىز بىرەۋ قۇنى 1 ملن تەڭگەدەن اساتىن گاۋھار تاستى ۇرلاپ كەتكەنىن ايتقان.
«جەدەل-ىزدەستىرۋ ءىس-شارالارىن جۇرگىزۋ جانە قىلمىس جاساۋ پەريمەترىندە ورناتىلعان بەينەباقىلاۋ كامەرالارىن قاراۋ بارىسىندا كۇدىكتى انىقتالدى. ول 49 جاستاعى قالا تۇرعىنى بولىپ شىقتى. ايەلدىڭ زەرگەرلىك دۇكەنگە ءجيى كەلەتىنى جانە بۇرىن بىرنەشە رەت ۇلكەن سوماعا زات ساتىپ العاندىعى بەلگىلى بولدى. كۇدىكتى كەشكى ساعات 17.45-تە زەرگەرلىك دۇكەنگە كىرىپ, ساتۋشىنىڭ باسقا كليەنتتەرگە قىزمەت كورسەتكەنىن پايدالانىپ, قىمبات جيىنتىقتى ۇرلاپ, قىلمىس ورنىنان بوي تاسالاعان», دەپ جازدى قالالىق پوليتسيا دەپارتامەنتىنىڭ ءباسپاسوز قىزمەتى.
ۇستالعان ازامات كىناسىن مويىندادى, زاتتاي ايعاق تاركىلەندى.
اتالعان دەرەك بويىنشا «ۇرلىق» بابىمەن سوتقا دەيىنگى تەرگەۋ جۇرگىزىلىپ, ونىڭ ەلوردا اۋماعىندا جاسالعان باسقا دا ۇقساس قىلمىستارعا قاتىستىلىعى تەكسەرىلۋدە.
