قازاقستان شاحمات فەدەراتسياسىنىڭ مالىمەتىنشە, 18 جاسقا دەيىنگى جاستار اراسىنداعى راپيدتەن الەم چەمپيونى اتانعان فيدە شەبەرى قازبەك نوگەربەك بۇل جولى قازاقستان قورجىنىنا بليتس شاحماتتان التىن مەدال سالعان.
ال بليتستەن 18 جاسقا دەيىنگى قىزدار اراسىنداعى الەم چەمپيوناتىندا 17 جاستاعى شاحماتشى, ايەلدەر اراسىنداعى حالىقارالىق شەبەر نازەركە نۇرعالي التىننان القا تاقتى.
14 جاسقا دەيىنگى ۇلدار اراسىنداعى جارىستا كۇمىس جۇلدە كەشە راپيدتەن قولا جۇلدەگەر اتانعان دانيال ساپەنوۆكە بۇيىرعان.
«بۇگىن اتاۋلى كۇن, قازاقستاندىق شاحماتتىڭ قازىناسى ماراپاتتارمەن تولىقتى. كادەتتەر اراسىنداعى جىلدام جانە وتە جىلدام شاحماتتان الەم بىرىنشىلىگىندە قازاقستاندىقتار 3 التىن, 1 كۇمىس جانە 1 قولا مەدال جەڭىپ الدى. ءبىزدىڭ چەمپيوندارىمىزدى, ولاردىڭ جاتتىقتىرۋشىلارىن, اتا-انالارىن جانە ولاردىڭ تابىستى ونەر كورسەتۋىنە ىقپال ەتكەن بارشا جاندى قۇتتىقتايمىن!», دەدى قازاقستاندىق شاحمات فەدەراتسياسىنىڭ اتقارۋشى ديرەكتورى ءانۋار يسماعامبەتوۆ.
