قوناەۆ قالاسىنا قوش كەلدىڭىز!

وسىلايشا, جەتىسۋ وڭىرىندە تاريحي وزگەرىس بولىپ, قاپ­شاعاي قالاسىنىڭ اتاۋى وزگەر­دى. ەندى شاعىن شاھار ەلىمىز­دىڭ ءبىرتۋار ازاماتى, مەملەكەت جانە قو­عام قاي­راتكەرى دىنمۇحامەد قوناەۆ­تىڭ قۇرمەتىنە وراي اتالماق. بۇعان دەيىن پرەزيدەنت حالىققا ارنا­عان جولداۋىندا قازىرگى الماتى وبلىسىنىڭ ورتالىعىن قاپشاعاي قالاسى ەتىپ قايتا ءبولۋ تۋرالى جانە قالانىڭ اتاۋىن د.قوناەۆتىڭ اتى­نا اۋىستىرۋ جايىنا توق­تال­عان ەدى. مەملەكەت باسشىسى قاسىم-جومارت توقاەۆ جولداۋدا «الماتى اگلومەراتسيا­سىنا قا­تىستى تۇيتكىلدەر كوپ. وسى جانە باسقا دا جايتتاردى ەسكەرە وتى­­رىپ, الماتى وبلىسىن ەكى­گە ءبولۋ­دى ۇسىنامىن. بۇل وڭىر­دە جەتى­سۋ جانە الما­تى وب­لىس­تارى قۇ­رى­لا­دى. ال­ماتى وب­لى­سىنىڭ ور­تا­لىعى قاپ­شاعاي­دا بولۋى كەرەك. ال جە­تىسۋ وبلى­سى­نىڭ ور­­تا­لىعى تال­دى­قور­عاندا ور­نا­لا­­سادى» دەپ اتاپ وتكەن بو­لا­­تىن.

سون­داي-اق وبلىس­تىڭ جاڭا ور­­تا­لى­عىنىڭ اتاۋىنا قا­تىس­تى «قاپ­شاعايعا دىنمۇ­حا­مەد قوناەۆتىڭ ەسىمىن بەرۋ ۇسى­نىسى­نا قو­سى­لامىن» دەدى. مەم­لەكەت باس­شى­سى­نىڭ ۇسىنىسى ەل ىشىن­دە قىزۋ قولداۋ تاپتى. الدى­مەن ما­سەلە قاپشاعاي قالا­لىق ءماس­­لي­حاتىنىڭ تۇراقتى كوميس­سياسىنىڭ وتىرىسىندا قارالىپ, قالانى «دىنمۇحامەد قوناەۆ قالاسى» دەپ قايتا اتاۋ باستاماسى كۇن تارتىبىنە قويىلعان بولاتىن. ودان كەيىن بۇل ۇسىنىس وبلىس دەڭگەيىندە قولداۋ تاۋىپ, ودان ءارى رەسپۋبليكالىق ونوماستيكا كوميسسياسىنىڭ تالقىلاۋىنا جىبەرىلگەن ەدى.

مىنە, ەندى مەملەكەت باسشى­سىنىڭ جار­لىعى دا جاريا بولدى. پرەزيدەنت جار­لىعىن جەتى­سۋلىقتار عانا ەمەس, كۇللى قازاق ەلى زور قۋانىشپەن قابىل الدى. بۇل قازاق تاريحىنداعى قايتالانباس تۇلعا – دىنمۇحامەد قوناەۆقا دەگەن حالىق قۇرمەتىنىڭ كورىنىسى بولسا كەرەك.

– دىنمۇحامەد احمەت ۇلى قوناەۆ ەل باسقارعان ۋاقىت ارا­­لىعىندا اقتاۋ, ارقالىق, ەكى­باس­تۇز, قاراتاۋ, رۋدنىي, كەنتاۋ, جاڭا­وزەن, قاپشاعاي سەكىلدى 43 قالا, 68 جۇمىسشى كەنتى بوي كوتەر­دى. اتىراۋدان التايعا, قاراتاۋ­دان تورعاي دالا­سىنا دەيىن ەن جايلاپ جاتقان ەلدىڭ الەۋمەتتىك تۇر­مى­سى, مادەنيەتى مەن ەكونوميكاسى ورلەۋ ۇستىندە بولدى. ناق­تى تسيفر­لارعا جۇگىنسەك, 1955 جىل­دان 1985 جىل ارالى­عىن­دا قازاق­ستان ونەركاسىپ ءوندىرى­سىنىڭ كولە­مى 8,9 ەسە, اۋىل شارۋا­شى­لىعى 6,2 ەسە, قۇرىلىس 8 ەسە­گە جۋىق ءوستى. وسىنداي كور­­سەت­كىش­تەردى سارالاعاندا اتالعان مەر­­زىم­دە ەلىمىز ونەركا­سىبىنىڭ ور­كەن­دەۋى جاعىنان وداق­تاس رەس­پۋب­لي­كالاردىڭ ماڭ­دايال­دىسى بولعانىن ەشكىم دە جوققا شى­عارا المايدى. ياعني ەلدىڭ قازىرگى ىقىلاسى مەن اتقا­رۋشى بيلىك­تىڭ قۇرمەتى – قاپ­شاعاي قالاسىنا دىنمۇحامەد قوناەۆتىڭ ەسىمىن بەرۋ تۋرالى جارلىقتى تاريحي ادى­لەتتى شەشىم دەۋگە بولادى. ۇزا­عى­نان ءسۇيىندىرسىن, – دەيدى الما­تى وب­لىسىنىڭ قۇرمەتتى ازاماتى, «قۇرمەت» وردەنىنىڭ يەگەرى امانعازى شەگىروۆ.