ءبىرىنشى جانە ەڭ باستىسى, بۇل ەتنوسارالىق كەلىسىمدى نىعايتۋ جونىندەگى جۇمىس. ءبىزدىڭ بىرلىگىمىز – ارالۋاندىلىقتا. جالپىۇلتتىق قۇندىلىقتار قاشاندا الدىڭعى قاتارعا شىعادى. ءبىز اسسامبلەياعا قاتىستى ايتىلعان سىن تۋرالى بىلەمىز. ول بىردە ءادىل ايتىلىپ, ونىمەن كەلىسەمىز. بىراق, ايتا كەتەرلىك جايت, كوپ نارسە PR ءۇشىن جاسالمايدى. بۇگىندە اسسامبلەيا كۇردەلى سىناقتان ءوتتى دەپ سەنىممەن ايتا الامىن. ەتنومادەني بىرلەستىكتەردىڭ مىڭداعان كوشباسشىسى مەن مەدياتورى قيىن ساتتەردە حالىقپەن جۇمىس ىستەپ, جانجالداردىڭ الدىن الۋعا تىرىسادى, سىندارلى ديالوگ جۇرگىزەدى. حالىقتىڭ دانالىعى ەڭ قيىن كەزدەردە بىلىنەدى. ەتنوسارالىق قاتىناستار سالاسىنىڭ نازىك جانە شەكتەن شىعۋى وڭاي ەكەنىن ءبارىمىز دە بىلەمىز. دەگەنمەن قازاقستاندا ەتنوسارالىق قاقتىعىستار جوق ەكەنىن اتاپ ءوتۋىم كەرەك. ەلدىڭ مىزعىماس شەكاراسى بار. ءبىز ءوزىمىزدى تاۋەلسىز قازاقستاننان تىس ەلەستەتە المايمىز. كەيبىر ارانداتۋشىلار كۇندەلىكتى جانجالداردى پايداكۇنەمدىك ماقساتتا پايدالانادى. بۇل رەتتە اسسامبلەيانىڭ ادەتتەگى قاراپايىمدىلىعى مۇلدەم ورىنسىز دەپ سانايمىن. مۇنى تۇزەتۋىمىز كەرەك.
جۇمىستاردىڭ تاعى ءبىر بەلسەندى بولىگى – حالىقتىڭ الەۋمەتتىك وسال توپتارىن قولداۋ. 2021 جىلدان باستاپ وسى كۇنگە دەيىن 150 مىڭنان استام ازاماتقا 1,3 ملرد تەڭگەدەن استام سوماعا كومەك كورسەتىلدى. بۇعان شامامەن 13 مىڭ ادامنان تۇراتىن انالار كەڭەسى كومەكتەستى. بۇل باعىتتاعى جۇمىس پرەزيدەنتتىڭ باستاماسىمەن قۇرىلعان «قازاقستان حالقىنا» قورىنىڭ ماڭىزدىلىعى مەن وزەكتىلىگىن كورسەتەدى.
ءۇشىنشى باعىت – بۇگىندە ەلىمىز ءۇشىن اسا قاجەتتى پروگرەسسيۆتى رەفورمالاردى قوعامدىق قولداۋ. ءاربىر ەتنوورتالىق ءبىر ماقساتپەن بىرىكتىرىلگەن ازاماتتار قاۋىمداستىعى بولىپ سانالادى. ءبىز ءوزىمىزدىڭ تاريحي تامىرىمىزدى تۇراقتى ءارى گۇلدەنگەن قازاقستاندا عانا ساقتاپ قالۋعا بولاتىنىن تۇسىنەمىز. سوندىقتان, ەڭ الدىمەن, ەل بىرلىگىنە قامقورلىق جاساۋىمىز كەرەك. جاقىندا 200-دەن استام كاسىپكەر قاتىسقان قحا كاسىپكەرلەر قاۋىمداستىعىنىڭ جينالىسىندا بارلىعى تاريحي شىعۋ تەگى بار ەلدەردىڭ سەرىكتەستەرىمەن بىرلەسكەن كاسىپورىنداردى دامىتۋ جونىندەگى ۇسىنىستى قولدادى. اتاپ ايتقاندا, كورەيلەر قاۋىمداستىعىندا جاڭا تەحنولوگيالاردى تارتۋ بويىنشا وڭتۇستىك كورەيامەن جۇمىس ىستەيتىن «ينۆەستيكس» كومپانياسى قۇرىلدى. اسسامبلەيادا الەۋمەتتىك ماڭىزى بار حالىق جوبالارىن ازىرلەۋگە كومەكتەسەتىن جوبالىق كەڭسە قۇرۋدى ۇسىنامىن. قازىر ءبىز قوعامىمىزدىڭ قالاي جاندانعانىن, جاڭا وداقتار مەن بىرلەستىكتەردىڭ پايدا بولعانىن كورىپ وتىرمىز. بۇل وتە جاقسى. مەملەكەت ازاماتتاردىڭ بەلسەندىلىگى مەن جاقسى ومىرگە دەگەن ۇمتىلىسىن قولدايدى. ناقتى باعدارلامالار بار. ارقايسىمىزدىڭ قاسيەتتى مىندەتىمىز – وسى تاعدىرلى پروتسەسكە ءوز ۇلەسىمىزدى قوسۋ. قاي جەردە جۇمىس ىستەسەك تە, ەتنوستىق شىعۋ تەگىنە قاراماستان, ءبارىمىز دە ۇلى دالا بالاسى, قازاقستان ازاماتتارىمىز. ءبىز جانە ءبىزدىڭ ۇرپاقتارىمىز وسىندا تۇرادى.
جاڭا قازاقستاندى قۇرۋدا العا قويىلعان ماقسات ساياسي يننوۆاتسيالاردىڭ, ازاماتتىق باستامانىڭ جانە كاسىپكەرلىك ەنەرگيانىڭ سينەرگياسىن تالاپ ەتەدى. سوندىقتان بارلىعىڭىزدى سوزدەن ىسكە كوشىپ, جاڭا رەفورمالار بەرەتىن مۇمكىندىكتى پايدالانۋعا شاقىرامىن.
سەرگەي وگاي,
قازاقستان كورەيلەرى قاۋىمداستىعىنىڭ باسشىسى
