پرەزيدەنتىمىزدىڭ اتا زاڭعا وزگەرىستەر مەن تولىقتىرۋلار ەنگىزۋ تۋرالى رەسپۋبليكالىق رەفەرەندۋم وتكىزۋ ۇسىنىسى – تۇپتەپ كەلگەندە حالىقتىڭ تالاپ-تىلەگى مەن سۇرانىسى. اتا زاڭعا ەنگىزىلەتىن وزگەرىستەر جاڭا قازاقستان قالىپتاستىرۋدىڭ نەگىزگى قادامى. رەفەرەندۋم ارقىلى كونستيتۋتسيانىڭ 33 بابىنا تۇزەتۋ ەنگىزىلەدى. مەملەكەت باسشىسى حالىق ءۇنىن بارلىق رەفورمالاردى جۇزەگە اسىرۋدا نەگىزگى ءارى باستى فاكتور رەتىندە نەگىزگە الاتىنىن تاعى دا دالەلدەدى. شىن مانىندە, ساياسي جانە كونستيتۋتسيالىق رەفورمالاردى ىسكە اسىرۋ جولىندا رەسپۋبليكالىق رەفەرەندۋم – ناقتى ناتيجە. سەبەبى, رەسپۋبليكالىق رەفەرەندۋم وتكىزۋ ازاماتتارىمىزدىڭ كونستيتۋتسيالىق قۇقىعى, ول ەلىمىزدىڭ بولاشاعى ءۇشىن زور جاۋاپكەرشىلىك جۇكتەيدى. مۇنىڭ تۇپكى ءمانى – جاڭا قازاقستان قالىپتاستىرۋ.
اسسامبلەيا سەسسياسىندا مەملەكەت باسشىسى گەوساياسي احۋال تۋرالى ايتقاندا ء«بىز جاس ۇرپاقتى ناعىز وتانشىل ازامات ەتىپ تاربيەلەۋىمىز كەرەك. وسى رەتتە ساياسي جانە قوعامدىق ءپليۋراليزمنىڭ راديكالدى سيپات الۋىنا جول بەرىلمەيدى. اسىرەسە, ازاماتتاردى كەمسىتۋگە, ولاردىڭ ارى مەن نامىسىن تاپتاۋعا بولمايدى», دەپ توقتالدى. بۇل رەتتە پرەزيدەنتىمىز «بىرلىگىمىز – ارالۋاندىقتا», دەپ قاداپ ايتتى.
قوعامدا ديالوگ مادەنيەتىن قالىپتاستىرۋ جانە ءوزارا تۇسىنىستىك پەن سەنىمدى نىعايتۋ قاجەت ەكەنىنە ارنايى توقتالدى. پرەزيدەنت ء«بىز كوزقاراستارىمىز بەن نانىم-سەنىمدەرىمىزدەگى ايىرماشىلىقتارعا قاراماستان, ءبىر-ءبىرىمىزدى تۇسىنۋگە جانە قۇرمەتتەۋگە ءتيىسپىز. ءبىزدى بىرىكتىرەتىن, كۇشەيتەتىن, ۇيلەستىرەتىن ورتاق قۇندىلىقتارعا ۇمتىلۋىمىز قاجەت. ءبىزدىڭ ء«ارتۇرلى كوزقاراس – ءبىرتۇتاس ۇلت» دەگەن قاعيدامىز مىزعىمايدى», دەپ ناقتىلادى.
پرەزيدەنت ايقىنداپ بەرگەن رەفورمالاردى جۇزەگە اسىرۋ جولىندا پارلامەنت ءماجىلىسىنىڭ دەپۋتاتتارى بەلسەندىلىك تانىتىپ, قوعامدىق جانە ساياسي رەفورمالاردى زاڭنامالىق, قۇقىقتىق قامتاماسىز ەتۋدە زاڭداردى قابىلداۋعا اتسالىساتىن بولامىز.
جۇلدىز سۇلەيمەنوۆا,
ءماجىلىس دەپۋتاتى
