بۇگىن وتان قورعاۋشىلار كۇنى قارساڭىندا ۇلتتىق ۇلاننىڭ 5573 اسكەري ءبولىمىنىڭ اۋماعىندا «اشىق ەسىك كۇنى» ءوتتى. ءىس-شاراعا № 69 مەكتەپ-گيمنازياسىنىڭ جوعارى سىنىپ وقۋشىلارى, سونداي-اق «قىزمەت» سالالىق كاسىپوداعىنىڭ ورتالىق جانە استانالىق كەڭەستەرىنىڭ ەڭبەك ۇجىمدارى مەن ولاردىڭ بالالارى شاقىرىلدى.
ءىس-شارا پاتريوتتىق سەزىمدى, وتانعا دەگەن سۇيىسپەنشىلىكتى, جاستاردىڭ ءوز ەڭبەگىمەن قىزمەت ەتۋگە جانە ەلىنىڭ مۇددەلەرىن قورعاۋعا دايىندىعىن قالىپتاستىرۋدى ماقسات تۇتقان. سونىمەن قاتار جاسوسپىرىمدەر اراسىندا اسكەري قىزمەتتىڭ ماڭىزى مەن جاۋاپكەرشىلىگىن ناسيحاتتاپ وتىر.
جيىن بارىسىندا 5573 اسكەري ءبولىمى مەن نۇر-سۇلتان قالاسىنىڭ №69 مەكتەپ-گيمنازياسى اراسىندا ىنتىماقتاستىق تۋرالى مەموراندۋمعا قول قويىلدى. اتالعان قۇجاتقا سايكەس, وقۋشىلار «جاس بۇركىت» سپورتتىق اسكەري-پاتريوتتىق كلۋبىنىڭ مۇشەسى اتاندى.
