ەلوردانىڭ تەرروريزمگە قارسى شۇعىل شتابىنىڭ مالىمەتىنشە, وقۋ-جاتتىعۋ «قازاقستان تەمىر جولى» ۇك» اق-نىڭ تەحنيكالىق جولاۋشىلار پاركىنىڭ اۋماعىندا (شۋ كوشەسىنىڭ اياقتالعان تۇسى, ءال-فارابي – قوشقارباەۆ كوشەلەرىنىڭ قيىلىسى) وتەدى.
ءىس-شارا ماقساتى – شۇعىل شتابتىڭ كۇشتەرى مەن قۇرالدارىنىڭ تەرروريستىك ارەكەتتەرگە دەرەۋ جاۋاپ قايتارۋ بويىنشا دايىندىعىن تەكسەرۋ.
«وقۋ-جاتتىعۋ ءتۇرلى كۇردەلى ەلەمەنتتەردى قامتي وتىرىپ, ۇرىس جاعدايىنا بارىنشا جاقىنداتىلعان. تەحنيكالىق جولاۋشىلار پاركىنىڭ ماڭايىندا شەكتەۋ شارالارى قاراستىرىلعان. وسىعان بايلانىستى ازاماتتاردان وتكىزىلىپ جاتقان ءىس-شارالارعا تۇسىنىستىكپەن قاراۋعا, قاۋىپسىزدىك شارالارىن ساقتاۋعا جانە جۇمىلدىرىلعان مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا شاقىرامىز», دەلىنگەن حابارلامادا.
