كوللاجدى جاساعان زاۋرەش سماعۇل, «ەQ»
«بىرلىگى جوقتىڭ – تىرلىگى جوق». حالىق دانالىعى وسىلاي دەيدى. ءتۇيىننىڭ ءبىر قولمەن بايلانىپ, ءبىر قولمەن شەشىلمەيتىنىن ءبىر كىسىدەي ءبىلىپ كەتكەن باعزى بابالارىمىزدىڭ ايرىقشا اماناتى دا وسى تاتۋلىق ەدى. سول تاتۋلىقتىڭ ءتاجىن جوعارى كوتەرىپ تۇرىپ ەگەمەن ەل اتاندىق. الايدا ازاتتىقتىڭ العىشارتى ودان ايىرىلىپ قالماۋ ەكەنىن ءبىرى بىلسە, ءبىرى بىلە بەرمەيدى. ول ءۇشىن بولاتتاي بەرىك, جۇرەكتەي جۇمىر اۋىزبىرشىلىك قاجەت. ۇلى دالا ءتوسىن مەكەن ەتكەن ءاربىر ۇلاننىڭ كوكىرەگىندە وسى وي جاتىر. وعان قازاقستان دەيتىن قارا شاڭىراققا ۋىق بولىپ قادالىپ, كەرەگە بولىپ كەرىلگەن قانشاما ەتنوستىڭ تىلەگىن قوسىڭىز. مىنە, ەل ىشىندەگى ەرەن ىنتىماق ءبولىنىپ, بورىگە جەم بولماۋدى وسىلاي ۇلگى ەتتى. وسىلاي ۇيرەتتى.
قاز داۋىستى قازىبەك ءبيدىڭ ء«سوزدىڭ اتاسى – بىرلىك, اناسى – شىندىق» دەگەن ءبىر اۋىز ءسوزىن ءبۇتىن ەل بىلەدى. سونى بايىپتى باعىت, لايىقتى باعدار ەتىپ الادى. بۇگىنگى ۇرپاق وسىنى ۇمىتپاسا, ەرتەڭگى ەل جاستارى ەرەكشە ۇلىقتاسا يگى ەدى. سەبەبى تاتۋلىقتان اسقان باقىت تا, بايلىق تا جوق!
