شاقىرىلعان ارتىستەردىڭ قاتارىندا Netflix سەرياسىنىڭ جۇلدىزى, سول سياقتى اعىلشىن ۇلتتىق بالەتىنىڭ پرەمەرى يسااك ەرناندەس, اعىلشىن ۇلتتىق بالەتىنىڭ پريما-بالەريناسى سيوري كاسە, ۆەنا ۇلتتىق وپەراسىنىڭ پرەمەرى دەنيس چەرەۆيچكو, مونتە-كارلو وپەراسىنىڭ ەتۋاليى سيمونە تريبۋنا جانە ۆيكتوريا انانيان, ۇلكەن تەاتردىڭ پرەمەر جانە جەتەكشى ءسوليسى يگور تسۆيركو جانە كريستينا كرەتوۆا, «استانا وپەرا» تەاترىنىڭ ءسوليسى شۇعىلا ادەپحان بار.
«استانا ينۆەست» باسقارما توراعاسىنىڭ ورىنباسارى مولجىگىت جالعاستىڭ ايتۋىنشا, The Gala – بۇل قازاقستاندىق Luxury House ساۋدا ءۇيى جۇزەگە اسىراتىن بىرەگەي جەكە جوبا, ول ەلوردانىڭ تۋريستىك ءيميدجىن جاقسارتادى, قالا تۇرعىندارىنىڭ مادەني دەڭگەيىن جانە ءومىر ءسۇرۋ ساپاسىن ارتتىرادى, مەملەكەتتىك ورگانداردان تۇسەتىن جۇكتەمەنى الىپ تاستايدى.
قازاقستاندا العاش رەت The Gala اياسىندا بىرقاتار تانىمال حورەوگرافيالىق قويىلىمدار قويىلادى. اتاپ ايتقاندا, پرەمەر جانە پريما بالەرينا يسااك ەرناندەس پەن سيوري كاسە «Blake Works» بالەتىنەن اداجيونى ۇسىنادى.
سونداي-اق, قازاقستاندىق كورەرمەن قاۋىمعا ارنالعان جاڭا تۋىندىلاردىڭ ءبىرى – «La Belle» بار. بۇل زاماناۋي حورەوگرافتاردىڭ ءبىرى جان-كريستوف مايونىڭ جوبا ءۇشىن جاساعان جەكە تاڭداۋى. جان-كريستوف مايو بىزگە چارلز پەررونىڭ «ۇيقىداعى ارۋ» ەرتەگىسىن ۇسىنادى.
Luxury House ديرەكتورى تاتيانا گورديەنكو ايتقانداي, ۇلكەن تەاتردىڭ ارتىستەرى قازاقستاندىق ساحنادا «تانگو» ءنومىرىنىڭ الەمدىك پرەمەراسىن وتكىزەدى.
ايانا توعانبەك
