بۇل ءىس-شارا مەملەكەت باسشىسى قاسىم-جومارت توقاەۆتىڭ باستاماسىمەن بيىل «بالالار جىلى» دەپ اتالۋىنا وراي ۇيىمداستىرىلىپ وتىر. سالتاناتتى اشىلۋ شاراسى ەرتەڭ ساعات 10:00-دە اتالمىش مەكتەپ قابىرعاسىندا وتەدى.
كلۋبتىڭ ماقساتى – وسكەلەڭ ۇرپاقتى سپورتقا باۋلۋ, سالاۋاتتى ءومىر سالتىن دارىپتەۋ.
سالتاناتتى ءىس-شاراعا نۇر-سۇلتان قالاسى الماتى اۋدانى اكىمىنىڭ ورىنباسارى راحماتوللا ابلازيموۆ, نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازىەۆ, نۇر-سۇلتان قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ, سول سياقتى ءبىلىم سالاسىنىڭ وكىلدەرى, دەمەۋشىلەر, قامقورشىلىق كەڭەسىنىڭ مۇشەلەرى قاتىسادى.
اشىلۋ سالتاناتىنا قاتىسۋشىلار مەكتەپ فويەسىندە يننوۆاتسيالىق جانە شىعارماشىلىق جۇمىستاردىڭ كورمەسىمەن تانىسىپ, مۇستافا شوقاي مۋزەيىنە ەكسكۋرسيا جاسايدى.
ايانا توعانبەك
