ۆەدومستۆو مالىمەتى بويىنشا, قىرعىزستانعا ەلىمىزدەن تۇز, ۇن, ماكارون, سىرا, الكوگولسىز سۋسىندار, كونديتەرلىك جانە ءسۇت ونىمدەرىن جەتكىزۋ جونىندە 6 ەكسپورتتىق كەلىسىمشارت جاسالدى. كەلىسىمشارتتاردىڭ جالپى سوماسى - 17,5 ملن اقش دوللارى.
قازاقستان-قىرعىز بيزنەس-فورۋمىنا, سەم جانە ۆ2ۆ كەلىسسوزدەرىنە قىرعىزستاننىڭ 100-دەن استام يمپورتتاۋشى جانە ءوندىرۋشى كومپانياسى وكىل بولدى. ەلىمىزدەن تاماق ونەركاسىبى, مەتاللۋرگيا, لوگيستيكا, ماشينا جاساۋ, فارماتسەۆتيكا, حيميا ونەركاسىبى سالالارىندا جۇمىس ىستەيتىن تاۋار وندىرۋشىلەر مەن قىزمەت كورسەتۋشى 20 كومپانيا قاتىستى.
قازاقستان قىرعىزستاننىڭ نەگىزگى ساۋدا-ەكونوميكالىق سەرىكتەستەرىنىڭ ۇشتىگىنە كىرەدى. ەكى ەل اراسىنداعى تاۋار اينالىمى 2021 جىلى - 970,8 ملن اقش دوللارى بولدى, بۇل 2020 جىلمەن (848,6 ملن اقش دوللارى) سالىستىرعاندا 14,4%-عا كوپ. قىرعىزستانعا شىعارىلاتىن ەكسپورت 7,6%-عا ءوسىپ, 625,2 ملن اقش دوللارىنا جەتتى.
«قازاقستاندا قىرعىز كاپيتالىنىڭ قاتىسۋىمەن 247 بىرلەسكەن كاسىپورىن تىركەلگەن. نەگىزىنەن, كاسىپورىندار كوتەرمە جانە بولشەك ساۋدا, قۇرىلىس, اۆتوموبيل ساتۋ, اۋىل شارۋاشىلىعى, جەڭىل ونەركاسىپ سالالارىمەن اينالىسادى. قىرعىزستاندا قارجى قىزمەتى, تاماق ونىمدەرىن ءوندىرۋ, ساۋدا, اۆتوموبيلدەردى جوندەۋ, كولىك جانە بايلانىس, قۇرىلىس سياقتى سالالاردا قازاق كاپيتالىنىڭ قاتىسۋىمەن 334 بىرلەسكەن كاسىپورىن تىركەلگەن.
قىرعىزستانعا سالىنعان تىكەلەي قازاقستاندىق ينۆەستيتسيالار كولەمى 1 ملرد دوللاردان استى», دەپ حابارلادى ساۋدا جانە ينتەگراتسيا ءمينيسترىنىڭ ورىنباسارى قايرات تورەباەۆ قازاقستاننىڭ ساۋدا-ەكونوميكالىق ميسسياسى اياسىندا سويلەگەن سوزىندە.
بۇعان دەيىن حابارلانعانداي, قازاقستاننىڭ اقش-قا تاۋار ەكسپورتى ءوسۋى مۇمكىن.
ايانا توعانبەك
