بۇگىن تاڭەرتەڭ بەيجىڭدىك چاويان اۋدانىنداعى جەكەمەنشىك مەكتەپتەردە ءبىلىم الۋشىلاردىڭ اتا-انالارىنا وقۋ ورىندارى قاشىقتان وقىتۋ رەجيمىنە كوشكەنى تۋرالى شۇعىل حابارلاما كەلدى.
جەرگىلىكتى باق-تىڭ حابارلاۋىنشا, سارسەنبىدەن باستاپ مۇنداي شارالار قالانىڭ باسقا اۋداندارىنداعى بىرقاتار باستاۋىش جانە ورتا مەكتەپتەردە ەنگىزىلە باستايدى. سونداي-اق تۋنچجوۋ اۋدانىنداعى بالاباقشالار جۇمىسى توقتاتىلعان.
27 ساۋىردەگى جاعداي بويىنشا, مەكتەپ وقۋشىلارى اراسىندا COVID-19 ينفەكتسياسىن جۇقتىرۋ وقيعالارىنىڭ سانى ارتىپ كەلەدى. استانالىق چاويان اۋدانىنداعى مەكتەپتەردىڭ بىرىندە ۆيرۋسقا شالدىعۋدىڭ 36 وقيعاسى انىقتالعان.
قحر گيگيەنا جانە دەنساۋلىق ساقتاۋ مەملەكەتتىك كوميتەتىنىڭ مالىمەتىنشە, سوڭعى تاۋلىكتە بەيجىڭدە كوروناۆيرۋس ينفەكتسياسىن جۇقتىرۋدىڭ 50 جاڭا وقيعاسى تىركەلدى. دۇيسەنبىدەن باستاپ بيلىك قىتاي استاناسى اۋداندارىنداعى بىرقاتار تۇرعىندى جاپپاي تەستىلەۋدەن وتكىزۋدە.
ايانا توعانبەك
