«ينفلياتسيا گەوساياسي جاعدايعا بايلانىستى ايتارلىقتاي ءوستى. بۇگىندە الەمدە جانە ەلىمىزدە باعالاردىڭ ءوسۋى جانە ينفلياتسيالىق قىسىمنىڭ ارتقانىن بايقاپ وتىرمىز. مۇنداي جاعدايدا ينفلياتسيانىڭ جىلدىق ءوسۋى 12%-عا دەيىن كوتەرەلەدى. سەبەبى باعانىڭ ءوسۋى بارلىق سالادا بايقالىپ وتىر. باستاپقى كەزدە قۇبىلمالىلىعى شامالى جانە تەك ورتا مەرزىمدى كەزەڭدە عانا تومەندەيتىن ينفلياتسيانىڭ ەلەۋلى تۇردە وسكەنىن بايقايمىز. مۇنى 2022 جىلعى ناۋرىزدا بازالىق ينفلياتسياعا بەرىلگەن ءارتۇرلى باعالاۋ ايعاقتايدى. قازىر ينفلياتسياعا قاتىستى بولجامدار جوعارى جانە تۇراقسىز بولىپ وتىر», دەدى عالىمجان ءپىرماتوۆ ۇلتتىق بانكتە وتكەن ءباسپاسوز ءماسليحاتىندا.
ونىڭ ايتۋىنشا, بازالىق مولشەرلەمەنى كوتەرۋ, ينفلياتسيانىڭ ءوسۋ ۇردىسىنە جول بەرمەۋ جولىنداعى قاجەتتى شارا.
«بيىل ناۋرىزدا رەسپوندەنتتەر اراسىندا جۇرگىزىلگەن ساۋالناما قورىتىندىسى حالىق سەنىمىنىڭ تومەندەپ, ينفلياتسيالىق كۇتۋلەردىڭ ءبىرشاما ارتقانىن كورسەتتى. ينفلياتسيانى ساندىق باعالاۋ 2022 جىلعى ناۋرىزدا 11,4%-دى كورسەتتى. وسىعان بايلانىستى جۇرگىزىلىپ وتىرعان ساياساتقا جانە ونىڭ ينفلياتسيا بويىنشا مالىمدەلگەن ماقساتقا جەتۋ قابىلەتىنە حالىقتىڭ سەنىمىن ارتتىرۋ ۇلتتىق بانكتىڭ باسىم مىندەتى بولىپ قالا بەرەدى. بۇل ءۇشىن اقشا-كرەديت ساياساتى ينفلياتسيانى نىسانالى باعدار دەڭگەيىنە دەيىن تومەندەتۋگە نەگىزدەلۋى كەرەك», دەيدى ول.
