«اكىمدىكتىڭ قاۋلىسىنا سايكەس اقىلى تۇراق ورىندارىنىڭ سانى 24-تەن 536-عا دەيىن ءوستى, بۇل 10 مىڭعا جۋىق تۇراق ورنى. سونىمەن قاتار بۇل پۋلعا باستاپقىدا ويلاعانداي, يەسىز, جول بويىنداعى اۆتوتۇراقتار ەمەس, بۇرىن عيمارات يەلەرى جالعا العان اۆتوتۇراقتار كىردى. قالا ولاردى جەكە مەنشىككە ساتىپ الۋعا مۇمكىندىك بەرمەيدى, ويتكەنى ولاردىڭ استىندا ادەتتە ينجەنەرلىك جەلىلەر جانە ت.ب. وتەدى. بۇل تۇراقتار وسى پۋلعا الىندى. ءبىز «اتامەكەنگە» جازدىق, وسى ءساتتى پىسىقتادىق. بۇل ماسەلەنى قازىر كوتەرىپ جاتىرمىز», دەدى وتىرىستا ءسوز سويلەگەن قازاقستاننىڭ باسقارۋشى جانە سەرۆيستىك كومپانيالار قاۋىمداستىعىنىڭ توراعاسى قايرات كوكەنوۆ.
ونىڭ ايتۋىنشا, اكىمدىك بۇل جەردى نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنا بەرگەن.
«بۇل باسقارمانىڭ باسشىسى بىزگە بۇل جالعا بەرۋ ەمەس, بۇل باسقارما دەپ جاۋاپ بەردى. بىراق ءىس جۇزىندە نۇر-سۇلتان نارىعىندا مونوپوليست قۇرىلۋدا, ول جولدار جانىنداعى يەسىز تۇراقتاردى باسقارىپ قانا قويماي, عيماراتتار مەن قۇرىلىستاردىڭ جانىنداعى بارلىق تۇراق ورىندارىن دا قامتيتىن بولادى», دەدى قايرات كوكەنوۆ.
ول مۇنداي تاجىريبە قۇرىلىس نورمالارى مەن ەرەجەلەرىن (قنجە) بۇزاتىنىن اتاپ ءوتتى, ويتكەنى ولارعا سايكەس عيمارات تۇراقسىز پايدالانىلا المايدى. سونىمەن قاتار اقىلى تۇراق ورىندارىنىڭ كوبەيۋى جول بويىندا ستيحيالىق تۇراق قۇرۋعا اكەلۋى مۇمكىن.
«قاۋىمداستىق مۇشەلەرى تالاپ-ارىز جۇمىستارىن جۇرگىزىپ جاتىر. عيماراتتاردىڭ اينالاسىندا اقىلى تۇراق ورىندارىن قۇرۋ وبەكتىلەردىڭ تارتىمدىلىعىن تومەندەتەدى, ويتكەنى تۇراقتارسىز بىردە ءبىر وبەكت كليەنتتەرگە قىزىعۋشىلىق تانىتپايدى. اۆتوتۇراقسىز بيزنەس قۇلايدى», – دەدى قايرات كوكەنوۆ.
سونداي-اق كەدەرگىلەر جونىندەگى كەڭەس مۇشەلەرى كوتەرىلگەن ماسەلەنىڭ وزەكتىلىگىن اتاپ ءوتتى.
ء«يا, شىنىندا دا, نارىقتى مونوپوليالاندىرۋ قاۋپى ءتونىپ تۇر. ماسەلەنى رەسپۋبليكالىق كەدەرگىلەر كارتاسىنا ەنگىزۋ ءۇشىن ەگجەي-تەگجەيلى زەردەلەۋدى ۇسىنامىن», دەدى كەدەرگىلەر جونىندەگى كەڭەستىڭ توراعاسى, نۇر-سۇلتان قالاسى كاسىپكەرلەر پالاتاسىنىڭ ديرەكتورى بەيسەن جولبولديەۆ.
