پوليتسيانىڭ مالىمەتىنشە, وتكەن تاۋلىكتە «قورعاۋ سەرگەك» جۇيەسى جالعان نومىرلەرمەن جۇرگەن 11 جۇرگىزۋشىنى انىقتاعان.
«وتكەن كۇنى ولار جالپى سوماسى 12 ملن تەڭگەگە 790 قۇقىق بۇزۋشىلىق جاسادى. اۆتوكولىكتەر ۇستالىپ, ارنايى ايىپپۇل تۇراعىنا قامالدى. جول ەرەجەسىن 92 رەت بۇزعان جۇرگىزۋشىگە ايىپپۇل سالىندى. ايىپپۇل سوماسى 1 ملن 541 مىڭ تەڭگەنى قۇرادى», دەدى الماتى قالاسى پد جپق باسقارماسىنىڭ باستىعى ماناپ ساتتاروۆ.
سونىمەن قاتار پوليتسيا ارنايى دىبىستىق جانە داۋىس زورايتقىش سيگنالداردى قولدانعان ەكى جۇرگىزۋشى مەن جەتى ماس جۇرگىزۋشىنى ۇستادى.
جىل باسىنان بەرى جالعان ءنومىر قولدانعانى ءۇشىن 171 جۇرگىزۋشىگە ايىپپۇل سالىنعان. «قورعاۋ سەرگەك» جۇيەسى 2021 جىلدىڭ قاراشا ايىنان باستاپ پايدالانىلادى.
ايانا توعانبەك
