«رەسپۋبليكانىڭ سولتۇستىگىندە, وڭتۇستىگىندە, وڭتۇستىك-شىعىسىندا جاڭبىر جاۋادى, جامبىل وبلىسىنىڭ تاۋلى ايماقتارىندا قاتتى جاڭبىر جاۋادى. رەسپۋبليكا بويىنشا جەل كۇشەيىپ, قازاقستاننىڭ وڭتۇستىك-باتىسىندا شاڭدى داۋىل تۇرادى, وڭتۇستىك وبلىستاردا نايزاعاي ويناپ, داۋىل سوعادى», دەپ مالىمدەدى «قازگيدرومەت» رمك
تۇركىستان وبلىسىنىڭ تاۋلى, تاۋ بوكتەرىندەگى ايماقتارىندا سينوپتيكتەردىڭ بولجاۋىنشا, نايزاعاي ويناپ, بۇرقاسىن بولادى, جەل 15-20 م/س-كە دەيىن كۇشەيەدى.
جامبىل وبلىسىنىڭ وڭتۇستىگىندە, سولتۇستىك-شىعىسىندا, تاۋلى ايماقتاردا كۇن كۇركىرەپ, بۇرشاق جاۋى مۇمكىن, تاۋلى ايماقتاردا جەل 15-20 م/س-كە دەيىن كۇشەيەدى.
كۇندىز قىزىلوردا وبلىسىنىڭ ورتالىعىندا, وڭتۇستىكتە, ماڭعىستاۋ وبلىسىنىڭ ورتالىعىندا جەل 15-20 م/س-كە دەيىن كۇشەيىپ, شاڭدى داۋىل سوعادى.
كۇندىز سولتۇستىك قازاقستان وبلىسىنىڭ باسىم بولىگىندە, قوستاناي وبلىسىنىڭ سولتۇستىگىندە, باتىس قازاقستان وبلىسىنىڭ وڭتۇستىك-باتىسىندا, باتىسىندا, اتىراۋ وبلىسىنىڭ ورتالىعىندا, الماتى وبلىسىنىڭ شىعىسىندا جەل 15-22 م/س-كە دەيىن كۇشەيەدى.
باتىس قازاقستان وبلىسىنىڭ وڭتۇستىگىندە, سولتۇستىگىندە, اقتوبە, پاۆلودار وبلىستارىنىڭ ورتالىعىندا ءورت قاۋپى بار.
نۇر-سۇلتاندا كوشپەلى بۇلت شىعادى, جاۋىن-شاشىنسىز. وڭتۇستىك-باتىستان 2-7 م/س جەل سوعادى. اۋا تەمپەراتۋراسى تۇندە +3...+5°س, كۇندىز +20...+22°س بولادى.
الماتىدا كوشپەلى بۇلت شىعادى, كۇندىز جاڭبىر جاۋادى, جەل سوعادى. اۋا تەمپەراتۋراسى تۇندە +8...+10°س, كۇندىز +17...+19°س بولادى.
شىمكەنتتە كوشپەلى بۇلت شىعادى, تۇندە جانە تاڭەرتەڭ وتكىنشى جاڭبىر جاۋىپ, نايزاعاي وينايدى. شىعىستان 8-13 م/س جەل سوعادى. اۋا تەمپەراتۋراسى تۇندە +11...+13°س, كۇندىز +24...+26°س بولادى.
