«مەن پارتيا توراعاسى لاۋازىمىنا ەرلان جاقان ۇلى قوشانوۆتى ۇسىنامىن. ونى بارشاڭىز جاقسى بىلەسىزدەر. ەرلان جاقان ۇلىنىڭ ۇيىمدامتىرۋ قابىلەتى جوعارى, تاجىريبەلى ءارى بىلىكتى ازامات», دەدى قاسىم-جومارت توقاەۆ پارتيانىڭ ءححىىى سەزىندە.
AMANAT پارتياسىنىڭ اتقارۋشى حاتشىسى اسحات ورالوۆ سەز دەلەگاتتارىنا قر پرەزيدەنت قاسىم-جومارت توقاەۆتىڭ ەرلان قوشانوۆتى پارتيا توراعالىعىنا سايلاۋ تۋرالى ۇسىنىسىنا داۋىس بەرۋدى ۇسىندى. داۋىس بەرگەندەر ءماجىلىس سپيكەرىنىڭ كانديداتۋراسىن ءبىراۋىزدان قولدادى.
«قۇرمەتتى ەرلان جاقان ۇلى, ءسىزدى بارلىق دەلەگاتتار اتىنان AMANAT پارتياسىنىڭ توراعاسى بولىپ سايلانۋىڭىزبەن قۇتتىقتايمىز», دەدى اسحات ورالوۆ.
ايتا كەتەيىك, پرەزيدەنت قاسىم-جومارت توقاەۆتىڭ توراعالىعىمەن AMANAT پارتياسىنىڭ سەزى ءوتىپ جاتىر.
21 ساۋىردە پارتيانىڭ اتقارۋشى حاتشىسى اسحات ورالوۆ پرەزيدەنت وسى جىلدىڭ 26 ساۋىرىندە كەزەكتەن تىس XXIII سەزدى شاقىرۋ تۋرالى شەشىم قابىلداعانىن حابارلاعان ەدى. وعان بارلىق وڭىرلەردەن دەلەگاتتار قاتىسادى. سەزد ونلاين فورماتتا وتەدى.
سەزد بارىسىندا ADAL ساياسي پارتياسىنىڭ AMANAT پارتياسىنا قوسىلۋى تۋرالى ماسەلە قارالادى دەپ جوسپارلانعان.
