الەم • 26 ءساۋىر، 2022

شۆەيتساريا ساياحاتقا بايلانىستى شەكتەۋلەردى الىپ تاستايدى

31 رەت كورسەتىلدى

شۆەيتساريا ەكى جىل بۇرىن، پاندەميا بولماي تۇرىپ قولدانىستا بولعان ۆيزالىق تارتىپكە قايتا ورالىپ جاتىر، دەپ حابارلايدى Egemen.kz.

2 مامىردان باستاپ شۆەيتساريا بۇرىنعى ۆيزا ەرەجەلەرىنە قايتا ورالادى. شۆەيتساريانىڭ كوشى-قون جونىندەگى مەملەكەتتىك حاتشىلىعىنىڭ سايتىندا ايتىلعانداي، ەلگە كىرگەن كەزدە تۋريستەردەن COVID-19 ۆاكتسيناتسياسىنىڭ قۇجاتى مەن تەست ناتيجەسى تالاپ ەتىلمەيدى.

«ال قازىرگى كىرۋ شەكتەۋلەرى 2 مامىردان باستاپ جويىلادى. وسى كۇننەن باستاپ تۇراقتى كىرۋ ەرەجەلەرى قولدانىلادى»، دەدى اگەنتتىك.

شۆەيتساريا 1 ساۋىردەن باستاپ وتاندىق انتي-COVID شارالارىنان باس تارتتى. قوعامدىق كولىكتەر مەن دۇكەندەردە بەتپەردە رەجيمى الىنىپ تاستالدى.

ەل تۇرعىندارى مەن قوناقتارى دامحانالارعا، مەيرامحانالارعا، تەاترلار مەن مۇراجايلارعا ەمىن-ەركىن بارا الادى.

سوڭعى جاڭالىقتار

ۇقساس جاڭالىقتار