«يمپورتتى الماستىرۋ ماسەلەسى مەملەكەت باسشىسىنىڭ تۇراقتى باقىلاۋىندا. قازىرگى گەوساياسي جاعدايدى ەسكەرەتىن بولساق, ءبىزدىڭ ەكونوميكامىز ءۇشىن يمپورتتىق ونىمدەردى الماستىرۋدىڭ ماڭىزى وتە زور. بۇگىندە مەملەكەتتىك جانە كۆازيمەملەكەتتىك سەكتورلار مەن جەر قويناۋىن پايدالانىپ وتىرعان كومپانيالاردىڭ ءبىزدىڭ ەلىمىزدە شىعاتىن تاۋارلار مەن جۇمىستاردى, قىزمەتتەردى ساتىپ الۋ ۇلەسى 52 پايىزدى قۇراسا, ونىڭ ىشىندە قازاقستاندىق قامتۋدىڭ ناقتى ۇلەسى 40 پايىزدان اسپايدى. بۇدان بولەك وتكەن جىلى يمپورت شامامەن 8 پايىزعا وسكەن», دەدى ءاليحان سمايىلوۆ.
ۇكىمەت باسشىسىنىڭ دەرەگىنشە, يمپورتتىڭ باسىم بولىگى – قوسىلعان قۇنى جوعارى ونىمدەر بولسا, ەكسپورتتىڭ دەنى – نەگىزىنەن وڭدەلمەگەن ونىمدەر.
«باسەكەگە قابىلەتتى ەكونوميكا قۇرامىز دەسەك, ءبىز وسى ءبىر ءۇردىستى تۇبىرىمەن وزگەرتۋىمىز كەرەك. بۇل جەردە نارىقتى وتاندىق ونىمدەرمەن قامتاماسىز ەتۋ ارقىلى يمپورتتى الماستىرۋ ساياساتى وڭ ىقپال ەتۋى ءتيىس. وسىعان وراي مەملەكەت باسشىسىنىڭ تاپسىرماسى بويىنشا يمپورتتى الماستىرۋدىڭ 2025 جىلعا دەيىنگى باعدارلاماسى دايىندالىپ جاتىر. باعدارلاما اياسىندا قازاقستاندىق قامتۋ ۇلەسىن 60 پايىزعا دەيىن جەتكىزۋ جوسپارلانعان. ەڭ باستىسى, بۇل جاڭا وندىرىستەردىڭ دامۋىنا سەرپىن بەرىپ, 116 مىڭ جاڭا جۇمىس ورنىن قۇرۋعا مۇمكىندىك بەرەدى. سونداي-اق ءىرى ينۆەستيتسيالىق جوبالاردى ىسكە اسىراتىن كومپانيالاردىڭ اينالاسىندا شاعىن جانە ورتا كاسىپورىنداردىڭ بەلدەۋى قۇرىلىپ, ولار ءوندىرىستىڭ دامۋىنا مۋلتيپليكاتيۆتىك اسەر بەرەدى. بۇل ءوز كەزەگىندە, وڭىرلەردىڭ الەۋمەتتىك-ەكونوميكالىق دامۋىنا وڭ ىقپال ەتەدى», دەدى پرەمەر-مينيستر.
