ولاردىڭ 9-ى – ءبىرىنشى, 15-ءى – ەكىنشى, ال 20-سى – ءۇشىنشى ورىن. وسىلايشا رەسپۋبليكالىق پاندىك وليمپيادانىڭ قورىتىندى ەسەبى بويىنشا ماڭعىستاۋ وبلىسى رەكورد ورناتتى.
رەسپۋبليكانىڭ بارلىق وبلىس ورتالىقتارى مەن نۇر-سۇلتان, الماتى جانە شىمكەنت قالاسىندا ەلەكتروندى فورماتتا ۇيىمداستىرىلعان ءبىلىم دوداسىندا 2070 وقۋشى باق سىنادى.
– بيىلعى وقۋ جىلىن ماڭعىستاۋلىق وقۋشىلار وتە جاقسى كورسەتكىشتەرمەن اياقتاپ وتىر. سونىڭ ىشىندە پاندىك وليمپيادانىڭ شەشۋشى كەزەڭىنە قاتىسقان 91 وقۋشىنىڭ 44-ءى ۇزدىكتەر قاتارىنان كورىندى. بىلتىر ولار 29 عانا مەدال يەلەنگەن. بيىل وڭىردەن قاتىسقان وليمپياداشىلارىمىز حيميا, قازاقستان تاريحى, اعىلشىن ءتىلى, قازاق ءتىلى مەن ادەبيەتى سياقتى پاندەر بويىنشا توپ جاردى, – دەدى اقتاۋ قالاسى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى نەسىبەلى قۋاتوۆا.
ەسكە سالا كەتسەك, 16 ءپان بويىنشا ۇيىمداستىرىلعان وليمپيادانىڭ مەكتەپىشىلىك كەزەڭىنە رەسپۋبليكانىڭ 6 362 ءبىلىم بەرۋ ۇيىمدارىنان 266 805, اۋداندىق كەزەڭگە 96 443, ال وبلىستىق كەزەڭىنە 14 369 وقۋشى قاتىستى. وليمپيادانىڭ اشىقتىعى مەن اكادەميالىق ادالدىعىن ساقتاۋ ماقساتىندا وتكىزۋ بارىسى ونلاين رەجيمدە بەينەباقىلاۋ جۇيەسىمەن قامتاماسىز ەتىلىپ, مۇددەلى ەمەس ء«ۇشىنشى تۇلعالار» شاقىرىلدى.
