جاڭا ارت-جوبا پانالاۋ ماقساتىندا عانا ەمەس, اقپاراتتىق كومەك رەتىندە دە ءتيىمدى. وندا قالاداعى توتەنشە جاعدايلار مەن وقيعالار تۋرالى سوڭعى جاڭالىقتاردان حاباردار بولىپ, ەرەجەلەرمەن تانىسا الاسىز. سونداي-اق جاستارعا قۇتقارۋشىلار مەن ءورت سوندىرۋشىلەر ماماندىعىن قالاي مەڭگەرۋگە جانە ازاماتتىق قورعاۋ قىزمەتىنە قالاي جولداما الۋعا بولاتىنى جازىلعان.
وبلىستىق توتەنشە جاعدايلار دەپارتامەنتى قىزمەتكەرلەرى تىڭ يدەيانى الداعى مامىر مەرەكەلەرى جانە ەكىباستۇز قالاسىنىڭ 65 جىلدىعىنا وراي ىسكە اسىرىپ وتىر. جوبانىڭ ورنالاسقان جەرى كەزدەيسوق تاڭدالعان جوق. ايالداما №2 مامانداندىرىلعان ءورت ءسوندىرۋ ءبولىمىنىڭ جانىندا ورىن تەپكەن.
– بۇرىن جۇمىسقا بارا جاتقاندا اينالاعا كوز تاستاپ, بولماشى ويدىڭ جەتەگىندە جۇرەتىنمىن. ەندى ايالدامادان كوپتەگەن پايدالى اقپاراتتى وقىپ ءجۇرمىن. ەرەكشە جوبانى قولعا العان قۇتقارۋشىلارعا تۇرعىندار اتىنان العىسىمدى بىلدىرەمىن. ءورت قاۋىپسىزدىگى ەرەجەلەرىن ساقتاپ جۇرەيىك! – دەدى شاھار تۇرعىنى جۇسىپبەك جارقىنبەكوۆ.
ءورت ءسوندىرۋ كولىگى تاقىرىبىنداعى مۇنداي ارت-جوبا قازاقستاندا العاش رەت ەكىباستۇز قالاسىندا قولعا الىنعانىن اتاپ وتكەن ءجون.
