قر ساۋدا جانە ينتەگراتسيا مينيسترلىگى ساۋدا كوميتەتىنىڭ توراعاسى ەرجان قازانباەۆتىڭ ايتۋىنشا, وتكەن اپتادا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسىمى - 0,6% بولدى. اتاپ ايتقاندا, پياز - 2,9%, قىرىققابات - 2,8%, قۇس ەتى - 2,5%, ءسابىز - 2,3%, قانت - 1,5%-عا قىمباتتادى. وڭىرلەر اراسىندا باعانىڭ ەڭ جوعارى ءوسۋى - نۇر-سۇلتان (0,9%) جانە الماتى (0,8%) قالالارىندا تىركەلدى.
ەلىمىزدە ساۋدا ۇستەمەسىن باقىلاۋ جۇمىستارى اياسىندا ءۇي ماڭىنداعى 32308 دۇكەن تەكسەرىلدى (قامتۋ – 77%), سونىڭ ناتيجەسىندە 358 فاكتى انىقتالىپ, بارلىعىنا قاتىستى ءتيىستى شارالار قابىلداندى.
اۋىل شارۋاشىلىعى ءمينيسترى ەربول قاراشوكەەۆتىڭ ايتۋىنشا, بۇگىنگى تاڭدا قازاقستاندا ازىق-ت ۇلىكتىڭ (جاڭا ءونىمدى ەسەپتەمەگەندە 669 841 توننا), ونىڭ ىشىندە سيىر ەتى, كارتوپ, ۇن, جۇمىرتقا, ءسۇت جانە باسقاسىنىڭ ەداۋىر قورى قالىپتاستىرىلعان.
سونداي-اق, قر پرەمەر-ءمينيسترى ءامات باعاسىنىڭ ەڭ جوعارى ءوسىمى تىركەلگەن نۇر-سۇلتان قالاسى اكىمىنىڭ ورىنباسارى ەرلان بەكمۇرزاەۆتىڭ جانە الماتى قالاسى اكىمىنىڭ ورىنباسارى الىشەر ابدىقادىروۆتىڭ, سونىمەن قاتار رەسپۋبليكا بويىنشا قىرىققاباتتىڭ ەڭ جوعارى باعاسى (كەلىسىنە 340 تەڭگە) تىركەلگەن پاۆلودار وبلىسىنىڭ اكىمى ابىلقايىر سقاقوۆتىڭ ەسەپتەرىن تىڭدادى. كەڭەستى قورىتىندىلاي كەلە, ءاليحان سمايىلوۆ باعانى ۇستاپ تۇرۋ ماسەلەلەرى ءبىرىنشى كەزەكتە ماڭىزدى ەكەنىن اتاپ ءوتتى.
«مەن بىرنەشە رەت «اينالىم سحەماسىن» قارجىلاندىرۋدى ارتتىرۋدى تاپسىردىم, الايدا بۇگىندە جۇمىس ءتيىستى دەڭگەيدە ورىندالمادى. وسى ايدىڭ اياعىنا دەيىن قارجىلاندىرۋدى 100 ملرد تەڭگەگە دەيىن ۇلعايتۋ قاجەت. بۇل كورسەتكىشتى ماقساتتى دەڭگەيگە جەتكىزبەيتىن وڭىرلەردە اكىمدەردىڭ اتالعان سالاعا جەتەكشىلىك ەتەتىن ورىنباسارلارىنا ءتيىستى شارا قولدانۋ تۋرالى ۇسىنىستار قارالادى», دەدى ۇكىمەت باسشىسى.
ءاليحان سمايىلوۆ الداعى اگرارلىق ماۋسىم قارساڭىندا وڭىرلەردىڭ باستى مىندەتى - كۇزگى اۋىل شارۋاشىلىعى ونىمدەرىن جەتكىزۋگە فورۆاردتىق شارتتار جاساسۋ بولۋى ءتيىس ەكەنىن اتاپ ءوتتى.
اۋىل شارۋاشىلىعى مينيسترلىگىنە اكىمدىكتەرمەن بىرگە باعانى ۇستاپ تۇرۋ ماقساتىندا ءونىمدى جەدەل تۇردە تىكەلەي جەتكىزۋ ءۇشىن ءوندىرىس پەن تۇتىنۋ تەڭگەرىمىن تۇراقتى نەگىزدە وزەكتەندىرىپ وتىرۋ تاپسىرىلدى. كۇن تارتىبىندەگى ەكىنشى ماسەلە بويىنشا ءسوز سويلەگەن دەنساۋلىق ساقتاۋ ءمينيسترى اجار عينيات «سق-فارماتسيا» جشس مەديتسينالىق تەحنيكاسىن ورتالىقتاندىرىلعان ساتىپ الۋعا كوشۋ مەملەكەت باسشىسىنىڭ تاپسىرماسىنا سايكەس جۇرگىزىلىپ جاتقانىن ەسكە سالدى.
بيىل جوبانى پيلوتتىق رەجيمدە ىسكە اسىرۋ جوسپارلانىپ وتىر, ال 2023 جىلدان باستاپ جابدىقتاردى جەرگىلىكتەندىرۋ نەمەسە كەلىسىمشارتتىق نەگىزدە ءوندىرۋ بويىنشا ۇزاق مەرزىمدى شارتتار جاسالادى.
تالقىلاۋ قورىتىندىسى بويىنشا ۇكىمەت باسشىسى بەيىندى مينيسترلىككە اكىمدىكتەر كوتەرگەن ماسەلەلەردى ەسكەرە وتىرىپ, ورتالىقتاندىرىلعان ساتىپ الۋ تەتىكتەرىن پىسىقتاۋدى جانە ۇكىمەتكە ءتيىستى ۇسىنىستار ەنگىزۋدى تاپسىردى.
