«2022 جىلدىڭ 22 ساۋىرىندە گۆاردەيسك اسكەري قالاشىعىنداعى گوسپيتالدە قاتارداعى جاۋىنگەر قالباي الىبەك سالامات ۇلى قايتىس بولدى. تاڭەرتەڭ ساپتا تۇرعان جاۋىنگەر كەنەتتەن ەسىنەن تانىپ قالعان. اسكەري قىزمەتشىگە قاجەتتى مەديتسينالىق كومەك كورسەتىلگەنمەن, ول ەسىن جيماعان كۇيى قايتىس بولعان», دەپ مالىمدەدى قورعانىس مينيسترلىگى.
بەلگىلى بولعانداي, جاس جىگىت بيىل كوكتەمدە ماڭعىستاۋ وبلىسىنان مەرزىمدى اسكەري قىزمەتكە شاقىرىلدى.
«ساربازدىڭ ولىمىنە قاتىستى تەكسەرۋ جۇمىستارى باستالدى. قورعانىس مينيسترلىگىنىڭ باسشىلىعى مەن قارۋلى كۇشتەردىڭ جەكە قۇرامى قالباي الىبەك سالامات ۇلىنىڭ تۋعان-تۋىستارى مەن جاقىندارىنا قايعىرىپ كوڭىل ايتادى», دەپ اتالىپ وتكەن ۆەدومستۆو حابارلاماسىندا.
