بۇل تۋرالى نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى مالىمەت تاراتتى.
«كامەلەتكە تولماعان قىزعا قول جۇگىرتكەن استانالىق 10 تاۋلىككە قاماۋعا الىندى. بۇعان دەيىن «102» كانالىنا استانا تۇرعىنىنان كەشكى ۋاقىتتا تۇرعىن ءۇيدىڭ كىرە بەرىسىندە ونىڭ 16 جاستاعى قىزىنا بەيتانىس ەر ادام تيىسكەنىن حابارلاعان بولاتىن», دەپ جازىلعان دەپارتامەنتتىڭ مالىمەتىندە.
ىزدەستىرۋ شاراسىنىڭ كەزىندە 20 جاستاعى ستۋدەنت ۇستالعان بولاتىن.
«زاڭبۇزۋشىنىڭ ۇستىنەن اينالاداعى ادامدارعا قۇرمەتسىزدىك كورسەتىپ, مازاسىن الۋ فاكتىسى بويىنشا قر اكىمشىلىك قۇقىق بۇزۋ تۋرالى كودەكسىنىڭ 434-بابى بويىنشا اكىمشىلىك ءىس قوزعالدى. بۇگىن كۇدىكتى نۇر-سۇلتان قالاسىنىڭ مامانداندىرىلىعان اۋدانارالىق اكىمشىلىك سوتىنىڭ شەشىمىمەن 10 تاۋلىككە قاماۋعا الىنىپ, اكىمشىلىك قاماۋعا الىنعانداردى قابىلداۋعا ارنالعان ورىنعا جىبەرىلدى», دەپ جازىلعان دەپارتامەنتتىڭ ءباسپاسوز قىزمەتى تاراتقان اقپاراتتا.
