قازاقستان • 20 ءساۋىر، 2022

پارلامەنت كيبەربۋللينگ تۋرالى زاڭدى قابىلدادى

105 رەت كورسەتىلدى

ءماجىلىستىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالانىڭ قۇقىقتارىن قورعاۋ، ءبىلىم بەرۋ، اقپارات جانە اقپاراتتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن وزگەرىستەردى قابىلدادى، دەپ حابارلايدى Egemen.kz.

«سەناتتىڭ تۇزەتۋلەرى بالاعا زيان كەلتىرەتىن، تىيىم سالىنعان نەمەسە باسقا دا شەكتەلگەن اقپاراتتى ورنالاستىرۋعا جول بەرگەن ينتەرنەت رەسۋرستارمەن مەملەكەتتىك ورگانداردىڭ ءوزارا ءىس-قيمىل جاساۋ تەتىگىن وزگەرتۋگە باعىتتالعان. سەنات دەپۋتاتتارى باق سالاسىنداعى ۋاكىلەتتى ورگانعا بالاعا قاتىستى كيبەربۋللينگ فاكتىلەرى بويىنشا ساراپتاما جۇرگىزۋ ءتارتىبىن ايقىنداۋ جونىندە قۇزىرەت بەرۋدى، سونداي-اق ينتەرنەت-رەسۋرستارعا قول جەتكىزۋدى توقتاتا تۇرۋعا نەگىز رەتىندە كيبەربۋللينگ فاكتىلەرىن زاڭنامالىق تۇردە ايقىنداۋدى ۇسىندى. بۇل رەتتە زاڭ جوباسىنان ۋاكىلەتتى ورگاننىڭ تىيىم سالىنعان اقپاراتقا قول جەتكىزۋدى شەكتەۋ ءتارتىبىن ايقىنداۋ جونىندەگى قۇزىرەتى الىنىپ تاستالدى. سەنات ۇسىنعان وزگەرىستەر مەن تولىقتىرۋلار ءماجىلىس ماقۇلداعان زاڭ جوباسىنىڭ تۇجىرىمداماسى مەن مازمۇنىن وزگەرتپەيدى»، دەپ ءتۇسىندىردى ءماجىلىستىڭ الەۋمەتتىك-مادەني دامۋ كوميتەتىنىڭ توراعاسى ءجاميلا نۇرمانبەتوۆا.

پالاتا دەپۋتاتتارى اتالعان وزگەرىستەرگە قولداۋ ءبىلدىردى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار