سوت ءتيىستى شەشىم شىعارعان بولاتىن. بىراق, شەكتەن شىققان «سۋدورەمونتنىي زاۆود» جشس-ءنىڭ باسشىلىعى الگى سوت شەشىمىن ورىنداۋدان باس تارتتى. ءتىپتى سوت ورىنداۋشىسىنىڭ بورىشكەرگە سوت شەشىمىن ءوز ەركىمەن ورىنداۋ جونىندەگى بىرنەشە رەت جولداعان ەسكەرتۋ حابارلاماسىنا دا قۇلاق اسپادى. وسىلايشا «سۋدورەمونتنىي زاۆود» جشس-ءنىڭ باسشىلىعى جۇگەنسىز كەتتى.
سودان امال جوق, سوت ورىنداۋشىسى «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» زاڭىنىڭ تالاپتارىنا سايكەس بورىشكەردىڭ ەسەپ شوتتارىنا ينكاسسالىق وكىم قويىپ, جىلجىمايتىن م ۇلىكتەرىنە تىيىم سالدى. ءسويتىپ ەدى, لەزدە الگى زاۋىت باسشىلىعى ۇيقىلارىنان ويانعانداي بولدى. ارتىنشا قاراپايىم ەڭبەك ادامدارىنىڭ تالاپ-تىلەگى دە ورىندالدى. سوت ورىنداۋشىسىنىڭ دارمەنى ارقاسىندا بورىشكەر كاسىپورىننان 3 018 808 تەڭگە تولىعىمەن ءوندىرىلىپ الىندى. ەندى قازىرگى ۋاقىتتا زاڭعا سايكەس جاۋاپكەر مەكەمەدەن مەملەكەت پايداسىنا اتقارۋشىلىق سانكتسيا ءوندىرۋ تۋرالى ارەكەت تە قاراستىرىلۋدا.
فاتيحوللا ماشتاحوۆ,
باتىس قازاقستان وبلىسى سوت اكتىلەرىن ورىنداۋ دەپارتامەنتىنىڭ ءباسپاسوز حاتشىسى.
