تازالىق ايلىعى باستاۋ الدى

جىل سايىنعى قالىپتاسقان ءداستۇر بويىنشا بيىلعى جىلدىڭ 7 ءساۋىرى مەن 7 مامىرى ارالىعىندا استانا قالاسىنىڭ اۋماعىن سانيتارلىق تازالاۋ, اباتتاندىرۋ جانە كوگالداندىرۋ ماقساتىندا كوكتەمگى ەكولوگيالىق ايلىعىن وتكىزۋ جوسپارلانۋدا. 19 ساۋىردە «ءبىز – تازا قالادا تۇرامىز!» اتتى ۇرانمەن جالپىقالالىق سەنبىلىك وتەدى. سەنبىلىككە شامامەن 100 مىڭنان استام استانالىق قاتى­سادى دەپ كۇتىلۋدە. ەكولوگيالىق ايلىق كۇندەرىندە قالا اۋماعىن سانيتارلىق تازالىقتان وتكىزۋ كوشەلەردى, جاياۋ ءجۇر­گىنشىلەر جولدارىن, اۋلالار مەن گۇلزارلاردى تازا­لاۋ جانە اباتتاندىرۋ جۇمىستارى جۇرگىزىلەتىن بولادى. ەسىل, اقبۇلاق جانە سارىبۇلاق وزەندەرىنىڭ ارنالارىن كۇل-قوقىستان, تۇرمىستىق قالدىقتاردان تازالاۋ, ارىق­تارداعى كارىز جۇيەسىن تازارتۋ جۇمىستارىن جۇرگىزۋ كوزدەلۋدە. سونىمەن قاتار, گۇلزار مەن باقتارداعى جاسىل كوشەت­­تەردى كۇتۋدە ماۋسىمدىق اگروتەحنيكالىق جۇمىستار, كوگال­دار مەن گۇلزارلار اۋماعىن تۇزەۋ شارالارى جۇزەگە اسى­­رى­لادى. قالا ورتالىعىنداعى الاڭداردى, بالالار ويناي­تىن اۋلالاردى قىستان قالعان جاپىراق ءشىرىندى­لەرىنەن تازارتۋ جانە كوگالداردى قۇنارلاندىرۋ شارالارى اتقا­رىلادى. جوعارىدا اتاپ وتكەنىمىزدەي, 19 ساۋىردە ءداستۇرلى جالپىقالالىق سەنبىلىك وتەدى. وعان 8500 كاسىورىن مەن ۇيىم­­­دار, 170 وقۋ ورىندارى, قالاداعى 360 پاتەر يەلەرى­نىڭ كووپەراتيۆتەرى جۇمىلدىرىلىپ, 93 مىڭنان استام ادام جانە 450 تەحنيكا قاتىسادى. استانا قالاسى اكىمى اپپارا­تىنىڭ ءباسپاسوز قىزمەتى حابارلاعانداي, قالالىق تابيعي رەسۋرس­تار مەن تابيعات پايدالانۋدى رەتتەۋ باسقار­ماسى بيىل­عى سەنبىلىكتە 2700 اعاش جانە كوشەت وتىرعىزۋدى جوس­­پارلاپ وتىر. «الماتى» اۋدانىندا – 1000 اعاش (قالدايا­قوۆ جانە 46 كوشەلەرىندە), «ەسىل» اۋدانىندا – 1 500 اعاش (جانىبەك جانە كەرەي حان, تۇران داڭعىلى مەن ەڭبەك­شىلەر كوشەسىنە دەيىن), «سارىارقا» اۋدانىندا – 200 كوشەت (تىلەنديەۆ كوشەسىندە) وتىرعىزىلماق. قالا اكىمدىگى بارلىق استانالىقتاردى تۋعان قالامىزدى گۇلدەندىرۋ ماق­ساتىنداعى سانيتارلىق تازالىق ايلىعىنا قاتىسىپ, سەن­بىلىك كۇندەرى ءبىر كىسىدەي ۇيىمشىلدىق كورسەتۋگە شاقىرادى. جىلقىباي جاعىپار ۇلى, «ەگەمەن قازاقستان».