ءبىلىمنىڭ تۇپكى ناتيجەسى پەداگوگتاردىڭ بىلىكتىلىگىن جۇيەلى ارتتىرۋعا تىكەلەي بايلانىستى

مەملەكەت باسشىسىنىڭ قازاقستان حالقىنا جولداۋى ەلىمىزدىڭ 2050 جىلعا دەيىنگى دامۋىنىڭ جاڭا ساياسي باعدارىن كورسەتىپ بەردى. باستى ماقسات – قازاقستاننىڭ الەمدەگى دامىعان 30 مەملەكەتتىڭ قاتارىنا قوسىلۋى. قازاقستاننىڭ الەمدەگى ەڭ دامىعان 30 ەلدىڭ قاتارىنا كىرۋ تۇجىرىمداماسىندا الداعى جۇمىستىڭ ۇزاق مەرزىمدى با­سىم­دىقتارى بەلگىلەنگەن. ءبىلىم بەرۋ سالاسىندا دا بىرقاتار ماسە­لەلەردى شەشۋدە اۋقىمدى جۇ­مىستار كۇتىپ تۇر. «ءبىزدىڭ بولا­شاققا بارار جولىمىز قازاق­ستاندىقتاردىڭ الەۋەتىن اشاتىن جاڭا مۇمكىندىكتەر جاساۋعا بايلانىستى. ححI عاسىرداعى ەل دەگەنىمىز – بەلسەندى, ءبىلىمدى جانە دەنساۋلىعى مىقتى ازاماتتار بولۋ كەرەك», – دەدى جولداۋدا ن.ءا.نازارباەۆ. ەلىمىزدەگى ءبىلىم بەرۋدى دامى­تۋدىڭ 2011-2020 جىلدارعا ار­نالعان مەملەكەتتىك باعدار­لا­ما­سىندا قازاقستاننىڭ بولاشاق مەكتەبىنىڭ مازمۇنى مەن ءبىلىم بەرۋ تاسىلدەرىن جاڭا دەڭگەيگە كوتەرۋگە باعىتتالعان. ەلىمىزدىڭ ءبىلىم كەڭىستىگىندە بولىپ جاتقان رەفورمالاردى ىسكە اسىرۋدا مۇعالىمنىڭ ەڭبەگى ەرەكشە. ەندەشە, قوعام الدىنا وسى قاسيەتتى ماماندىقتى تاڭداعان ۇستازدار قاۋىمىنىڭ مارتەبەسىن كوتەرۋ, جاڭا زامان تالابىنا ساي ءبىلىم ارتتىرۋ جانە بىلىكتىلىكتەرىن كوتەرۋ مىندەتى دە قويىلعان. قازىرگى كەزدە پەداگوگيكالىق كادرلاردىڭ بىلىكتىلىگىن ارتتىرۋدىڭ جانە كاسىبي داعدىلارىن دامى­تۋ­دىڭ تۇبەگەيلى جاڭا جۇيەسى قۇرىل­دى. ول كەمبريدج ۋنيۆەر­سي­تە­تىنىڭ ءبىلىم بەرۋ فاكۋل­تەتى سا­راپشىلارىنىڭ قاتىسۋى­مەن, پەداگوگيكالىق شەبەرلىك ور­تا­لىعى ازىرلەگەن سالا كادرلا­رىنىڭ بىلىكتىلىگىن ارتتىرۋدىڭ ءۇش دەڭ­گەيلى باعدارلامالارى ارقىلى ىسكە اسۋدا. «نازارباەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعىنىڭ اقتاۋ قالاسىنداعى فيليالىندا 2013 جىلى ءساۋىر ايىنان باستاپ ماڭعىستاۋ وبلىسى مۇعالىمدەرىن ءۇش دەڭگەيلى كۋرستاردان وتكىزۋدى باستادى. جىل ىشىندە 149 مۇعا­لىم جاڭا باعدارلاما بويىنشا كۋرستان ءوتتى. 2014 جىلى 144 مۇ­عالىمنىڭ ءبىلىمىن ارتتىرۋ جوس­پارلانىپ, قازىر كۋرستاردا وقىتىلۋدا. سونىمەن قاتار, وتكەن جىلى وبلىسىمىزدان ءبىلىم بەرۋ ۇيىمدارىنىڭ باسشىلارىنىڭ بىلىكتىلىگىن ارتتىرۋعا ارنالعان كۋرستان 8 مەكتەپ ديرەكتورى وتسە, وسى جىلى 32 مەكتەپتىڭ باسشىلارى كۋرسقا بارادى. جاڭا ءبىلىم پاراديگماسى ءبىرىنشى ورىنعا بالانىڭ ءبىلىمىن, بىلىگى مەن داعدىسىن, تۇلعاسىن, ءبىلىم الۋ ارقىلى دامۋىن قويىپ وتىر. سوندىقتان دا, قازىرگى ءبىلىم سالاسىنداعى وقىتۋدىڭ وزىق تەحنولوگيالارىن مەڭگەرمەيىنشە ساۋاتتى, جان-جاقتى مامان بولۋ مۇمكىن ەمەس. جاڭا تەحنولو­گيانى مەڭگەرۋ مۇعالىمنىڭ ينتەل­لەكتۋالدىق, كاسىپتىك, ادام­گەر­شىلىك, رۋحاني-ادامزاتتىق جانە باسقا دا كوپتەگەن ادام قابىلەتىنىڭ قالىپتاسۋىنا يگى اسەرىن تيگىزەدى, ءوزىن ءوزى دامىتىپ, وقۋ-تاربيە ءۇردىسىن ءتيىمدى ۇيىم­داستىرۋىنا كومەكتەسەدى, وقۋشىنىڭ شىعارماشىلىق قابىلەتتەرىن ارتتىرۋعا ءوز ۇلەسىن قوسادى. جەتى مودۋل اياسىندا كەمبريدج باعدارلاماسى نەگىزىندە وتكىزىلىپ جاتقان پەداگوگ مامانداردىڭ بىلىكتىلىگىن ارتتىرۋ كۋرستارىنان كۇتىلەتىن ناتيجەلەر وقۋشىلاردىڭ قالاي وقۋ كەرەكتىگىن ۇيرەتەدى. سونىڭ ناتيجەسىندە ەركىن, ءوزىن­دىك دالەل-ۋاجدەرىن نانىمدى جەتكىزە بىلەتىن, ىنتالى, سەنىم­دى, سىني پىكىر-كوزقاراستارى جۇيە­لى دامىعان قازاق, ورىس, اعىل­شىن تىلدەرىن ءوز دەڭگەيىندە مەڭگەرۋ­مەن قاتار, ساندىق تەحنولوگيالاردا قۇزىرلىلىق تانىتاتىن وقۋشى رەتىندە قالىپتاسۋىن قامتيدى. باعدارلامانىڭ باس­تى ماقساتى, قازاقستاندىق مۇعالىمدەرگە پەداگوگيكالىق تاجىريبەسىن جەتىلدىرۋ مەن باعالاۋعا كومەكتەسۋ. سوندىقتان ءبىلىم بەرۋ مەن وقىتۋدىڭ قازىرگى زامانعى ادىستەرى مۇعالىمنىڭ كۇندەلىكتى تاجىريبەسى جانە كاسىبي ءمان-ماتىنمەن ءوزارا بايلانىستا قاراستىرىلادى. وسى باعدارلامانىڭ نەگىزگى قاعي­داتى تاجىريبەلىك قىزمەتتى ناقتى عىلىمي زەرتتەۋلەردىڭ دالەل­دەنگەن ناتيجەلەرىمەن كىرىكتىرۋ بولىپ تابىلادى. پەداگوگ قىزمەت­كەرلەردىڭ بىلىكتىلىگىن ارتتىرۋ­دىڭ نەگىزى – بۇل ءۇردىستى ۇزدىكسىز سيپاتقا اينالدىرۋ. جاڭا سيپاتتى كۋرستا پەداگوگتىڭ العان بىلىمدەرىن ءىس ۇستىندە پايدالانىپ, ونى كەيىن تالداۋ جانە تۇزەتۋ باعىتىنداعى جۇمىستىڭ بولۋى وعان ساپالىق وزگەرىستەرىن ەنگىزىپ وتىر. تىڭداۋشىلاردىڭ ءبىلىم بىلىگىن جاساقتاۋدا بىرنەشە كەزەڭدەر بەلگىلەنگەن. ءبىرىنشى, الدىمەن تەوريالىق اقپاراتتى ترەنەر نەمەسە توپتىق جۇمىس ارقىلى, نە بولماسا نۇسقاۋلىقتان العان تاسىلدەردى جۇزەگە اسىرا ءبىلۋى. بۇل – ءبىلۋ دەڭگەيى دەلى­نەدى. ەكىنشى – العان تەوريالىق ءبىلىمدى ودان ءارى تاجىريبەمەن ۇشتاستىرىپ, وي ەلەگىنەن وتكىزىپ, ونى تۇرلەرىنە قاراي اجىراتىپ وتىرۋ. بۇل – تۇسىنىك دەڭگەيى دەپ اتالادى. ءۇشىنشى – پەداگوگتاردىڭ پروبلەما توڭىرەگىندە وي قوزعاپ, پەداگوگيكالىق تاجىريبەمەن بايلانىستىرا تۇسىنىك بەرۋ, ءتورتىنشى – پەداگوگيكالىق ءۇردىس­تەگى ءبىر ءتاسىلدى ەكىنشى ءبىر ۇقساس تاسىلمەن بايلانىستىرىپ, ءبىر جەرگە جيناقتاۋ, بۇل تالداۋ دەڭگە­يىنە كوتەرىلگەندى بىلدىرەدى. بەسىنشى – اتقارىلعان ارەكەتكە وزىندىك باعا بەرۋ بۇل پەداگوگتىڭ شىعارماشىلىقپەن جۇمىس جۇرگىزە العانىنىڭ دالەلى. جاڭا فورماتتاعى بىلىكتىلىك ارتتىرۋ كۋرستارى پەداگوگتاردىڭ تالاپقا ساي ءبىلىمدى ىزدەپ تابۋ مەن ودان ءارى قولدانۋدى جەڭىلدەتۋ ماقساتىندا قۇراستىرىلعان تۇجىرىمدامالىق وقۋعا, ونى دامىتۋعا ارنالعان. مۇعالىمنىڭ بارلىق وقۋشىعا ءتيىمدى ءبىلىم بەرۋىن قامتاماسىز ەتۋ ءۇشىن ءوز سىنىبىندا قالاي جۇمىس ىستەۋ كەرەكتىگىن كورسەتەتىن كەشەندى ادىستەمەلىك قۇرالداردى يگەرۋ ارقىلى جۇرگىزىلەدى. سونىمەن قاتار, پروبلەمالىق تاقىرىپ اياسىندا پەداگوگتاردىڭ تالاپكەرلەرمەن سۇحباتتاسۋى, ءپاندى تالداۋى جانە ءوز تاجىريبەسى تۋرالى ارىپتەستەرمەن پىكىر الماسۋى ارقىلى بەلگىلى ءبىر تۇجى­رىمدار جاساي ءبىلۋ يكەمدىلىگىن جەتىلدىرەتىن ءتيىمدى وقىتۋ ۇردىسىنە قولىن جەتكىزەدى. مۇعالىم دايىنداۋ – ەلدىڭ الدىڭعى قاتاردا دامۋىن قامتا­­ماسىز ەتەتىن ىرگەتاس. سەبەبى, مۇ­­عالىم زياتكەرلىك كاپيتال­دى قا­­لىپ­تاستىراتىنىن ۇمىت­پاۋى­مىز كەرەك. قاتريا بورانباەۆا, پەداگوگيكالىق شەبەرلىك ورتالىعىنىڭ اقتاۋ قالاسىنداعى فيليالىنىڭ ديرەكتورى. ماڭعىستاۋ وبلىسى.