فوتو:instagram.com/canelo
«كانەلوعا» رەسەيلىك دميتري بيۆولعا (19-0, 11 كو) قارسى جەكپە-جەككە دايىندالۋعا ايدوس ەربوسىن ۇلى (16-0, 11 كو) كومەكتەستى. سونىمەن قوسا مەكسيكالىقتىڭ لاگەرىندە وزگە دە قازاقستاندىقتار بار. ولار ەۆگەني پاۆلوۆ, بەك نۇرماعانبەت, دانيل سەمەنوۆ, ابىلايحان ءجۇسىپوۆ پەن ءابىلحان امانقۇل.
«قازاقستاندا جاقسى بوكسشىلار كوپ. ءبىر-ەكى اپتا بۇرىن ءبىزدىڭ لاگەرگە بىرنەشە قازاقستاندىق بوكسشى قوسىلدى. وتە مىقتى بوكسشىلار, جالپى قازاقستان مىقتى بوكسشىلارى بار جاقسى ەل. سىزدەردىڭ ەلگە مىندەتتى تۇردە بارعىم كەلەدى. بۇل قازاقتار جۋىردا چەمپيون بولادى, بۇعان كۇمانىم جوق. العا, قازاقستان», دەدى س. الۆارەس.
