بۇل تاۋەلسىزدىك العان 30 جىلدا تابىلعان ايماقتاعى قۇندى كومىرسۋتەكتەردىڭ ەڭ ۇلكەن قويماسى. كەن ورىنعا گەولوگ-بارلاۋشى حالەل وزبەكعاليەۆتىڭ ەسىمى بەرىلگەن. بۇرعىلاۋ جۇمىستارىنا ماڭعىستاۋ جانە بەينەۋ اۋداندارىنىڭ اكىمدەرى جانە ينۆەستور «مەريديان پەترولەۋم» كومپانياسىنىڭ ۆيتسە-پرەزيدەنتى ەسەن كۇمىسقاليەۆ پەن «تەپكە» جشس باس ديرەكتورى قارامۋرزيەۆ بەركىن قاتىستى.
جاڭا كەن ورىندى بارلاۋ جۇمىستارى ءبىر جىل بۇرىن باستالعان. وسى كەزگە دەيىن بەينەۋ اۋدانىنىڭ تولەپ جانە ماڭعىستاۋ اۋدانىنىڭ ساي-وتەس اۋىلدارىنىڭ تۇرعىندارىمەن كەزدەسۋ وتكىزىلىپ, اشىق تىڭداۋلار ۇيىمداستىرىلدى.
«بۇگىن ءبىز تاريحي ساتكە كۋا بولىپ تۇرمىز. بيىل كەن ورىندا تاۋلىگىنە 1000 توننا قارا التىن ءوندىرۋ جوسپاردا بار. الداعى ۋاقىتتا بەينەۋ جانە ماڭعىستاۋ اۋداندارىنىڭ 150-گە جۋىق تۇرعىنىن جۇمىسپەن قامتىپ, اۋدانداردىڭ الەۋمەتتىك-ەكونوميكالىق دامۋىنا ءوز ۇلەسىمىزدى قوسامىز. بۇل جۇمىستار الداعى بەس جىلعا جوسپارلانىپ وتىر», دەدى ە. كۇمىسقاليەۆ.
جاقىن كۇندەرى كومپانيا اۋدان باسشىلارىمەن ەكى جاقتى مەموراندۋم جاساپ, جوسپار بەكىتىلەدى.
