«كاسىپكەرلىك قىزمەتتى جۇزەگە اسىرۋ ماسەلەلەرىنىڭ ءبىرى - قولايسىز رەتتەگىش جۇيە جانە شەكتەن تىس اكىمشىلىك جۇكتەمە. بۇل ماسەلەنى شەشۋ ءۇشىن 2021 جىلعى 30 جەلتوقساندا مەملەكەت باسشىسى قازاقستان رەسپۋبليكاسىندا كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەنگىزۋ ماسەلەلەرى جونىندەگى زاڭعا قول قويدى», دەدى ت. جاقسىلىقوۆ.
«1-كەزەڭ – 2022 جىلدىڭ ءبىرىنشى جارتىجىلدىعىندا ساۋدا قىزمەتى, كولىك, اۋىل شارۋاشىلىعى, قوعامدىق تاماقتاندىرۋ سالالارىنا قويىلاتىن تالاپتاردى قايتا قاراۋ. اتالعان سالالاردا شاعىن جانە ورتا كاسىپكەرلىك سۋبەكتىلەرىن قامتۋ شامامەن 60%-دى قۇرايدى. 2-كەزەڭ – 2022 جىلدىڭ ەكىنشى جارتىجىلدىعىندا جانە 2023 جىلى دەنساۋلىق ساقتاۋ, قۇرىلىس, ونەركاسىپ جانە باسقا دا سالالارداعى بيزنەسكە قويىلاتىن تالاپتاردى قايتا قاراۋ قامتاماسىز ەتىلەدى. وسىلايشا, كاسىپكەرلىك سالاسىنداعى مىندەتتى تالاپتار ءتىزىلىمى قالىپتاستىرىلىپ, ول بيزنەس ورتاعا تەرىس اسەر ەتەتىن تالاپتارعا قاتىستى «رەتتەۋشى گيلوتينا» ءادىسىن قولدانۋعا مۇمكىندىك بەرەدى», دەپ ءتۇسىندىردى ۆيتسە-مينيستر.
سونداي-اق ول مەملەكەتتىك باقىلاۋدى اۆتوماتتاندىرۋ ارقىلى قۇقىق بۇزۋشىلىقتاردىڭ الدىن الۋعا كوشۋ كوزدەلىپ وتىرعانىن ايتتى.
«كاسىپكەرلىك قىزمەتتى رەتتەۋدەگى جاڭا تاسىلدەردى ىسكە اسىرۋ بيزنەسكە جۇكتەمەنى تۇبەگەيلى ازايتۋعا جانە ىسكەرلىك بەلسەندىلىكتى دامىتۋعا سەرپىن بەرۋگە مۇمكىندىك بەرەدى», دەدى ۇلتتىق ەكونوميكا ءبىرىنشى ۆيتسە-ءمينيسترى.
