تۋردىڭ ورتالىق ويىنىندا كەيىنگى ەكى جىلداعى ەل چەمپيوندارى – «توبىل» مەن «قايرات» كلۋبتارى كەزدەسىپ, اسا تارتىستى وتكەن باسەكەدە كوماندالار تەڭ ءتۇستى – 2:2. ەكىنشى تايمدا «توبىل» 2:1 ەسەبىمەن العا شىققانىمەن, ماتچ سوڭىنا دەيىن جەڭىستى ۋىسىندا ۇستاپ تۇرا المادى. كەزدەسۋدىڭ 99-مينۋتىندا الماتىلىقتار تارازى باسىن تەڭەستىرىپ كەتتى. ەكى كوشباسشى كوماندا ۇپاي بولىسكەنىن ءتيىمدى پايدالانعان «كاسپي» ءوز الاڭىندا «اتىراۋدى» جەڭىپ, تۋرنير كەستەسىندە 13 ۇپايمەن جەكە-دارا كوش باستادى.
سونىمەن قاتار بۇل تۋردا بيىلعى چەمپيوناتتىڭ دەبيۋتانتتارى –«ماقتاارال» مەن «اقسۋ» كلۋبتارى تۇركىستاندا جولىعىپ, العاشقىسى چەمپيوناتتاعى تۇڭعىش جەڭىسىنە قول جەتكىزدى – 2:1. ال ەلوردانىڭ «استاناسى» سىرت الاڭدا «اقجايىقتان» جەڭىلىپ, تۋردىڭ سەنساتسياسىن تىركەدى – 1:0. قالعان ويىنداردىڭ ناتيجەسى: «تاراز» – «شاحتەر» – 2:1, «تۇران» – «ورداباسى» – 0:0, «قىزىلجار» – «اقتوبە» – 1:1.
ەرتەڭ باستالاتىن VII تۋردا «استانا» – «كاسپي», «اتىراۋ» – «توبىل», «ورداباسى» – «قىزىلجار», «قايرات» – «تۇران», «شاحتەر» – «اقجايىق», «اقتوبە» – «ماقتاارال» جانە «اقسۋ» – «تاراز» كلۋبتارى كەزدەسەدى.
