گازەتىمىزدىڭ الەۋمەتتىك جەلىلەردەگى پاراقشاسىندا وتكەن لوتەرەيا كەزىندە باتىسقازاقستاندىق 5 وقىرمانىمىز دا ءتۇرلى جۇلدەگە يە بولدى. ايتا كەتەرلىگى, بۇل سايىسقا گازەتىمىزگە تولىق جازىلعان وقىرماندارىمىز اۆتوماتتى تۇردە, «قازپوشتا» بەرگەن ءتىزىم بويىنشا قاتىسقان ەدى.
بايقاۋدىڭ ەڭ باعالى جۇلدەسى – ۇيالى تەلەفون العاباس اۋىلىندا تۇراتىن قوشەتەر ءاجيموۆ ەسىمدى وقىرمانىمىزعا جول تارتتى. العاباس – بىلتىر «Egemen Qazaqstan» گازەتىنە ەڭ كوپ – مىڭ دانادان اسا جازىلعان باتىس قازاقستان وبلىسى اقجايىق اۋدانىنداعى ەلدى مەكەن.
تاعى ءبىر باعالى سىيلىق – «Egemen Qazaqstan» جانە «كازاحستانسكايا پراۆدا» گازەتتەرىنىڭ اتاۋى جازىلعان قابىرعا ساعاتىن وڭىرگە بەلگىلى ازامات, باتىس قازاقستان وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى البەرت ەساليەۆ ۇتىپ الدى.
البەرت تەمىربولات ۇلى بىلتىر مەرزىمدى باسىلىمدارعا جازىلۋ ماۋسىمى كەزىندە قازتالوۆ اۋدانىنىڭ اكىمى بولاتىن. ماماندىعى تاريحشى, ەڭبەك جولىن اۋىل مۇعالىمى قىزمەتىنەن باستاعان ول مەملەكەتتىك گازەت-جۋرنالداردىڭ بايىرعى وقىرمانى ەكەنىن ايتادى. سونىڭ ىشىندە «Egemen Qazaqstan» گازەتىن تۇراقتى جازدىرىپ وقىپ كەلە جاتقانىنا 20 جىلدان اسقان. «مەملەكەتتىڭ ۇستانىمى, ۇكىمەتتىڭ الەۋمەتتىك-ەكونوميكالىق دامۋ باعىتى كورىنىس تاباتىن ەل گازەتىن ءاربىر مەملەكەتتىك قىزمەتشى جازدىرىپ الۋعا ءتيىس», دەيدى ول. ايتا كەتەيىك, وسىنداي وڭ كوزقاراستىڭ ناتيجەسىندە بىلتىر قازتالوۆ اۋدانىندا 800-دەن استام ادام گازەتكە جازىلعان بولاتىن.
«قازپوشتا» اق باتىس قازاقستان وبلىستىق فيليالىنىڭ جەتەكشىسى دينارا حاسانعاليەۆا وقىرماندارىنا باعالى سىيلىق تاراتىپ, حالىقتى مەرزىمدى باسىلىمعا جازىلۋعا ىنتالاندىرىپ وتىرعان «Egemen Qazaqstan» اكتسيونەرلىك قوعامىنا شىنايى العىس ايتتى.
«اسىرەسە سىيلىقتىڭ باسىم بولىگىنە قاراپايىم اۋىل تۇرعىندارى يە بولعانىنا قاتتى قۋاندىق», دەيدى دينارا رىسقاليقىزى.
گازەت-جۋرنالعا جازىلۋ ناۋقانىن ۇيىمشىلدىقپەن وتكىزگەن پوشتا قىزمەتكەرلەرىنە دە «ەگەمەن قازاقستان» سەرياسىمەن شىققان كىتاپتار سىيعا بەرىلدى. سونىڭ ىشىندە تايپاق اۋىلدىق پوشتا بولىمشەسىنەن 30 جانە ودان دا كوپ دانا «ەگەمەن قازاقستان» گازەتىنە جازدىرۋدى ۇيىمداستىرعانى ءۇشىن ك.مۇزافارعا ء«جۇز جىلدىق جىلناما» بەستومدىعى, 25 ادامدى گازەتكە جازدىرعانى ءۇشىن ورال قالالىق پوشتا قىزمەتكەرى تولقىن كەرىموۆا ءابىش كەكىلبايدىڭ ء«داۋىر داۋىسى» جيناعى, 15 ادامعا جازىلۋدى ۇيىمداستىرعان اقجايىق اۋدانى شابدارجاپ اۋىلدىق پوشتا ءبولىمى قىزمەتكەرى ر.سالاماتوۆا «جيىرما بەس جىل: جەڭىستەر مەن جەمىستەر» اتتى كىتاپقا يە بولدى.
«قازپوشتا» اق باتىس قازاقستان وبلىستىق فيليالى ارقىلى باتىسقازاقستاندىق وقىرماندار بيىلعى العاشقى جارتىجىلدىقتا 61 319 ءتۇرلى گازەت-جۋرنال جازدىرىپ الادى ەكەن. ءدال قازىر ەكىنشى جارتىجىلدىققا دا جازىلۋ ناۋقانى باستالدى. سۇيىكتى وقىرماندارىمىزدى بولاشاقتا دا بىزبەن بىرگە بولۋعا شاقىرامىز.
باتىس قازاقستان وبلىسى
