ءوڭىر اۋماعىندا دالا ءورتى جيىلەپ كەتتى. تەك سوڭعى تاۋلىكتە وبلىس بويىنشا 39 ءورت شىققان. ماسەلەن, سەمەي قالاسىنداعى سوۆەتسكايا كوشەسىندە تۇراتىن ازامات ءوز ۋچاسكەسىندە ءورت قاۋىپسىزدىگى ەرەجەلەرىن بۇزا وتىرىپ وت جاققان. سونىڭ سالدارىنان جالىن كورشى اۋماققا تاراپ كەتتى. ءتىلسىز جاۋ شارۋاشىلىق قورا-جايعا جانە 40 شارشى مەتر اۋماقتا قۇرعاق شوپكە جايىلدى.
«وقيعا ورنىنا ءورت سوندىرۋشىلەر شۇعىل كەلىپ جەتتى. كوپ ۇزاماي وت تولىق ءوشىرىلدى. ءورت قاۋىپسىزدىگى ەرەجەلەرىن ساقتاماعان ەر ادامعا قر اقبتك-ءنىڭ 336-بابى بويىنشا 61 260 تەڭگە سوماسىندا ايىپپۇل سالىندى», دەلىنگەن اقپاراتتا.
ايتا كەتەيىك, ءساۋىر ايىنىڭ باسىنان بەرى وبلىستىڭ بارلىق دەرلىك اۋداندارىندا دالا ءورتى شىققان.
