شقو اكىمدىگىنىڭ مالىمەتىنە سۇيەنسەك, ايماق باسشىسى دانيال احمەتوۆ سەمەيدە «سەرگەك» فوتو جانە بەينەتىركەۋ جوباسىن ىسكە اسىرۋ ماسەلەسى بويىنشا جينالىس وتكىزگەن.
«قالادا 616 كامەرا 74 جەلىلىك ۋچاسكەگە جانە 40 ادام كوپ شوعىرلانعان قيىلىسقا ورناتىلادى. بۇدان بولەك, تاعى 687 سىرتقى بەينەباقىلاۋ كامەراسى قوسىمشا جۇمىس ىستەيتىن بولادى. ازىرگە كەي جەرلەردە ورناتىلعان كامەرالار تەست رەجيمىندە ىسكە قوسىلعان», دەدى ول.
الەۋمەتتىك جانە بيزنەس نىساندارىنداعى بارلىق كامەرالار دا «سەرگەك» جۇيەسىنە بىرىكتىرىلمەك.
«سيتۋاتسيالىق ورتالىق پەن دەرەكتەردى وڭدەۋ ورتالىعى قاي جەرلەردە ورنالاساتىنى بەلگىلى بولدى. بارلىق جۇمىستار بەكىتىلگەن كەستەگە سايكەس جۇرگىزىلۋدە. ماۋسىم ايىندا اپپاراتتىق-باعدارلامالىق كەشەندەر تولىقتاي ىسكە قوسىلادى», دەدى دانيال احمەتوۆ.
ايتا كەتەيىك, شاھار تۇرعىندارى قانداي دا ءبىر ساۋالدارى بولسا «109» انىقتاما قىزمەتىنە حابارلاسا الادى.
