كەلىسسوز بارىسىندا ساۋدا جانە ينۆەستيتسيالار, ترانزيت جانە كولىك, سونداي-اق سۋ-ەنەرگەتيكالىق تەڭگەرىم سالالارىنداعى ىنتىماقتاستىق ماسەلەلەرى تالقىلاندى. ءاليحان سمايىلوۆ باۋىرلاس ەكى ەل اراسىنداعى 30 جىلدىق ديپلوماتيالىق قارىم-قاتىناس كەزىندە ساياسي, ساۋدا-ەكونوميكالىق جانە مادەني-گۋمانيتارلىق سالالاردا ءوزارا تۇسىنىستىك قالىپتاسقانىن اتاپ ءوتتى.
ءوزارا ساۋدا ماسەلەسىن تالقىلاي وتىرىپ, پرەمەر-مينيستر تاۋار نومەنكلاتۋراسىن كەڭەيتۋ قاجەتتىگى تۋرالى پىكىر ءبىلدىردى. ساۋدا-ەكونوميكا سالاسىنداعى نەگىزگى جەتىستىك ءوزارا ساۋدا كولەمىنىڭ ۇلعايۋى جانە بەلگىلەنگەن $1 ملرد-قا قول جەتكىزۋ بولدى. جاڭا مىندەت — تاۋار اينالىمىنىڭ كولەمىن $2 ملرد-قا جەتكىزۋ.
«بىزدە ساۋدانى ۇلعايتۋ الەۋەتى بار 190 تاۋار پوزيتسياسى بويىنشا ۇسىنىس بار. بىزگە قاراسۋ-اقتىلەك وتكىزۋ بەكەتى ماڭىندا يندۋستريالىق ساۋدا-لوگيستيكالىق كەشەندەر قۇرۋ جوباسىن ىسكە اسىرۋدى جەدەلدەتۋ قاجەت», دەدى ءا. سمايىلوۆ.
سۋ-ەنەرگەتيكا سالاسىنداعى ءوزارا ءىس-قيمىلعا قاتىستى مينيسترلەر كابينەتىنىڭ باسشىسى بۇل سالاداعى ماسەلەلەر جۇيەلى تۇردە شەشىلىپ جاتقانىن اتاپ ءوتتى. د. ديۋشەكەەۆ ءوز كەزەگىندە قىرعىزستان تاراپىنىڭ قازاقستاننان تىكەلەي ينۆەستيتسيالار تارتۋعا مۇددەلى ەكەنىن جەتكىزدى.
ء«بىز ينۆەستيتسيالىق جانە ساۋدا ساياساتىن جەتىلدىرۋ جولىندا بەلسەندى جۇمىس جۇرگىزىپ جاتىرمىز. بيزنەس جۇرگىزۋ جانە كاسىپكەرلەر مەن ينۆەستورلاردىڭ قۇقىقتارىن قورعاۋ ءۇشىن قولايلى جاعدايلار جاسالىپ جاتىر», دەدى قىرعىزستاننىڭ قازاقستانداعى توتەنشە جانە وكىلەتتى ەلشىسى.
سونداي-اق د.ديۋشەكەەۆ ورتاق مۇددەلەردى قاناعاتتاندىرۋ اياسىندا ازىق-ت ۇلىك قاۋىپسىزدىگىن قامتاماسىز ەتۋگە قاتىستى ۇسىنىس ايتتى. مۇنداي شەشىمنىڭ ماقساتى – سىرتقى نارىقتارداعى تۇراقسىزدىق جاعدايىندا ازىق-ت ۇلىك قاۋىپسىزدىگىنىڭ بۇزىلۋىنىڭ سىن-تەگەۋرىندەرىن تومەندەتۋ ءۇشىن بىرىككەن ساياساتتى ازىرلەۋ. كەزدەسۋ قورىتىندىسى بويىنشا تاراپتار بارلىق قوزعالعان ماسەلە بويىنشا ىمىراعا كەلۋگە دايىن ەكەندىكتەرىن ءبىلدىردى.
