مۇنايلى وڭىردە قاز ەتى وندىرىلەدى

ءبىر عاسىردان استام مەرزىمنەن بەرى «قارا التىن» وندىرۋمەن ءوندىرىسى ورگە باسقان اتىراۋدا قۇس شارۋاشىلىعىن دامىتۋعا بەت بۇرىلماق. بۇل تۋرالى «ATYRAU INVEST –2014» بيزنەس-فورۋمىنىڭ بارىسىندا «اتىراۋ» اكك» ۇك» اق باسقارما توراعاسى ابات تاسىموۆ حابارلادى. ا. تاسىموۆتىڭ مالىمدەۋىنشە, وڭىردە قۋاتتىلىعى شامامەن 2 مىڭ تونناعا جەتەتىن قۇس فابريكاسى سالىنباق. مۇنداعى ءبىر ەرەكشەلىك, وڭىردە العاش رەت قاز ەتىن ءوندىرۋ قولعا الىنادى.  سونىمەن بىرگە, اتىراۋ وبلىسىندا  2600 توننا تاۋىق ەتىن وندىرەتىن تاعى ءبىر قۇس فابريكاسىنىڭ قۇرىلىسى باستالادى. وسىعان بايلانىستى قۇس فابريكاسىن قارجىلاندىرۋ ماقساتىنداعى ورتاق مەموراندۋمعا «ATYRAU INVEST -2014» بيزنەس-فورۋمى كەزىندە قول قويىلدى. قۇس فابريكاسىن 2015 جىلى ىسكە قوسۋ جوسپارلانىپ وتىر. قازىر اتىراۋ وبلىسىنىڭ جىلىوي اۋدانىندا ءبىر قۇس فابريكاسى جۇمىس جاسايدى. تاياۋ ارادا بۇل قۇس فابريكاسىنىڭ تاۋىق ەتى مەن جۇمىرتقا شىعارۋ كولەمىن ۇلعايتۋ كوزدەلۋدە. جولداسبەك شوپەعۇل. اتىراۋ وبلىسى. دەرەككوز: «اتىراۋ» اكك» ۇك» اق. فوتو: اۆتور.