تەننيس • 15 ءساۋىر، 2022

تەننيسشى يۋليا پۋتينتسەۆا قازاقستاندى العا شىعاردى

66 رەت كورسەتىلدى

ۇلتتىق تەننيس ورتالىعىندا بيللي دجين كينگ كۋبوگىنىڭ ىرىكتەۋ كەزەڭىندە قازاقستان – گەرمانيا ماتچى باستالدى، دەپ حابارلايدى Egemen.kz  قتف ءباسپاسوز قىزمەتىنە سىلتەمە جاساپ.

الدىمەن كورتقا يۋليا پۋتينتسەۆا مەن انجەليكا كەربەر شىقتى. الەمنىڭ بۇرىنعى ءبىرىنشى راكەتكاسى، «ۇلكەن دۋلىعا» ءتۋرنيرىنىڭ ءۇش مارتە جەڭىمپازى انجەليكا قازىرگى كەزدە 17-ورىندا بولسا، پۋتينتسەۆا 52-ساتىدا ەدى.

بۇعان دەيىن گەرمانيالىق تەننيسشى يۋليانى ەكى رەت ۇتقان. ءبىرىنشى پارتيانى قارسىلاستار برەيك الماسۋمەن باستادى. سودان كەيىن كەربەر قارقىندى ويناپ، ەسەپتى 5:1-گە جەتكىزدى. يۋ.پۋتينتسەۆا برەيك جاساعانىمەن، ودان ارىگە شاماسى جەتپەدى – 3:6. ەسەسىنە ەكىنشى سەتتە ەسەپ 1:1 بولعان مەزەتتە يۋليا برەيك جاساي ءبىلدى. تاعى ءبىر برەيكپەن ءوزىنىڭ گەيمىن دە الدى – 5:1.

بۇدان سوڭ انجەليكا ەسەپتى قىسقارتقانىمەن، قازاقستاندىق تەننيسشى سەتتى تاعى ءبىر برەيكپەن ءتامامدادى – 6:3. ءۇشىنشى، شەشۋشى سەتتە پۋتينتسەۆا 3:0 ەسەبىمەن العا كەتتى. سوسىن ماتچتى تاعى ءبىر برەيكپەن ءبىتىردى – 6:2. تارتىستى وتكەن باسەكە بارىسىندا يۋليا، اسىرەسە، قىسقا سوققىلارمەن قارسىلاسىن قاپى قالدىرىپ وتىردى. وسىلايشا قازاقستان 1:0 ەسەبىمەن العا شىقتى. ەندى بۇگىن جەكەلەي سىندا ەلەنا رىباكينا مەن لاۋرا زيگەمۋند شەبەرلىك بايقاسادى. قالعان ويىندار ەرتەڭگە جوسپارلانعان.

ايانا توعانبەك

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار