«استانالىق تۇتىنۋشىلار ءوتىنىشى نەگىزىندە قر ۇەم تابيعي مونوپوليالاردى رەتتەۋ كوميتەتى نۇر-سۇلتان قالاسى بويىنشا اۋماقتىق دەپارتامەنتپەن بىرىگىپ «استاناەنەرگوسبىت» جشس-نا قاتىستى ەلەكترمەن جابدىقتاۋ قىزمەتتەرى ءۇشىن تولەمگە كوتەرىڭكى شوتتار قويۋدىڭ نەگىزدىلىگى تۇرعىسىنان جوسپاردان تىس تەكسەرۋ وتكىزدى», دەلىنگەن حابارلامادا.
قازاقستان رەسپۋبليكاسىنىڭ كاسىپكەرلىك كودەكسىنە ساي «استاناەنەرگوسبىت» جشس باعالاردى مەملەكەتتىك رەتتەۋ, ونىڭ ىشىندە باعا بەلگىلەۋ ءتارتىبىن ساقتاۋ جونىندەگى مىندەت قولدانىلاتىن قوعامدىق ماڭىزى بار نارىقتىڭ سۋبەكتىسى سانالادى.
«استاناەنەرگوسبىت» جشس ارەكەتتەرىن تەكسەرۋ قورىتىندىلارى بويىنشا ەلەكتر ەنەرگياسىن تۇتىنۋ كولەمىنە بايلانىستى تاريفتەردى سارالاۋ كەزىندە تولەم سومالارىن ەسەپتەۋ ءتارتىبىن بۇزۋ انىقتالدى, بۇل تۇتىنۋشىلارعا تولەمگە قويىلعان نەگىزسىز جوعارى سومالارعا الىپ كەلدى. تەكسەرۋ بارىسىندا جۇگىنگەن 56 تۇتىنۋشىنىڭ 32-سىنە 129 مىڭ تەڭگە مولشەرىندە نەگىزسىز سوما قويىلعانى انىقتالدى. مىسالى تۇتىنۋشىلاردىڭ ءبىرى بويىنشا ءتورت ايدا ارتىق تولەمنىڭ جالپى سوماسى 17 مىڭ تەڭگە بولعان (نۇر-سۇلتان قالاسىنىڭ تۇتىنۋشىلاردىڭ كۆت/ساع ءۇشىن 4,5 مىڭ تەڭگە مولشەرىندە اي سايىنعى ورتاشا تولەم كەزىندە)», دەلىنگەن حابارلامادا.
