«موي پارەن – ينوپلانەتيانين» فانتاستيكالىق ءفيلمىنىڭ ءتۇسىرىلىمى الداعى اپتادا باستالادى. قيال-عاجايىپ جانرىنداعى تۋىندى جەر بەتىندەگى جانە وزگە عالامشار اراسىنداعى بايلانىس, قيال-عاجايىپ, ماحاببات پەن شىتىرمان وقيعاعا تولى وربىمەك. ءتۇسىرىلىم الدىندا شىعارماشىلىق توپ ءداستۇر بويىنشا جاڭا جوباعا ساتتىلىك تىلەپ, جولاشار ىرىمىن جاسادى.
ءتۇسىرىلىمى ەندى باستالاتىن ءفيلمنىڭ رەجيسسەرى الەن نيازبەكوۆتىڭ ايتۋىنشا, «فانتاستيكا – قازاق كينوسىندا تولىق قالىپتاسپاعان جاڭا جانر. ءبىز كومەديادان ءارى قاراي جاڭا جانرعا بەت بۇردىق. وسىلايشا, «موي پارەن – ينوپلانەتيانين» ءفيلمى جاڭاشىلدىققا تولى بولادى دەپ ويلايمىن. فيلمدە ەكى عالامشاردىڭ بايلانىسى كورسەتىلىپ, ماحابباتپەن ۇشتاسادى. قيال-عاجايىپ جانرىنداعى ءفيلمنىڭ باستى رولدەرىن اكتەر باۋىرجان ساتوۆ پەن جۇلدىز ومىرعالي سومدايدى. جەر شارى مەن تيگاردەن جۇلدىزى اراسىنداعى بايلانىس قوس كەيىپكەردىڭ ماحابباتىمەن جالعاسادى. بۇدان باسقا دا نەگىزگى رولدەردە داۋرەن سەرعازين, جاحان وتارعاليەۆ جانە قايرات ادىلگەرەي وينايدى.
داۋرەن سەرعازين,
تەاتر جانە كينو اكتەرى:
– مەنىڭ كەيىپكەرىم – سول با-
لالىق شاعىنداعى ارمان-قيا-
لىنىڭ جەتەگىندەگى ادام. ءوزىنىڭ ارمانىنا عاشىق, ءوزىنىڭ ارمانىنا سەنەتىن ادامنىڭ ءبىرى. وزگە عالامشارلىقتارعا يمانداي سەنەدى, قاتتى ىزدەيدى. سولارمەن كۇرەسىپ, سولاردى اڭدىپ, وسىنداي ىزدەنىستە جۇرگەن كەيىپكەر.
رانو ۋماروۆا,
فيلم پروديۋسەرى:
– بۇل قازاقستاندىقتاردىڭ سۇيىكتى فيلمدەرىنىڭ ءبىرى بولادى دەپ ويلايمىن. ويتكەنى ماحاببات پەن فانتاستيكانى جۇپتاستىرامىز. اكتەرلەر قۇرامى شەبەر ءارى تانىمال ادامداردان قۇرالعان. ءتۇسىرىلىم الماتى قالاسى مەن وبلىسىندا بولادى, نەگىزىنەن شا-
عىن قالالاردا تۇسىرەمىز.
Tiger Films كينوستۋدياسى 2021 جىلى قۇرىلعان. بۇگىنگە دەيىن كورەرمەنگە ءۇش كومەديالىق ءفيلمدى تارتۋ ەتىپتى. تۋىندىلارى ەلىمىزدەن وزگە قىرعىزستان مەن ازەربايجاندا كورسەتىلگەن كورىنەدى.
