− ەل تاريحىندا العاش ءوتىپ وتىرعان حالىقارالىق جيىنعا الەمنىڭ جەتپىستەن اسا مەملەكەتىنىڭ اقىن-جازۋشىلارى كەلدى. سونىڭ قارساڭىندا تۇتاس سەريالىق تەلەۆيزيالىق حابار ازىرلەپ, العاشقىسىن عابەڭنەن باستادىم.
ويتكەنى عابيت اعا 1958 جىلى تاشكەنتتە وتكەن ازيا-افريكا قالامگەرلەرىنىڭ ءبىرىنشى كونفەرەنتسياسىنا قاتىسقان. وندا زاڭعار جازۋشى مۇحتار اۋەزوۆ ءسوز سويلەگەن. عابەڭ وسى حاباردا سول جيىننان ءبىراز ەستەلىك ايتىپ, پاراساتتى وي قوزعادى. كەيىن بۇل سۇحبات «قازاق ادەبيەتى» گازەتىندە جارىق كوردى.
سونداي-اق اتالعان كونفەرەنتسيادا قوناقتارعا عابيت مۇسىرەپوۆتىڭ شىعارماشىلىق پورترەتىنەن ءبىر ساعاتتىق حابار بەرىلىپ, وسى سۋرەت تە كورسەتىلدى. مەنىڭ عابەڭمەن جاقىن تانىستىعىم وسىدان باستالدى. كەيىن ءسوز زەرگەرىنىڭ 75, 80 جىلدىق مەرەيتويىندا مازمۇندى ادەبي حابار جاسادىم. ءوزىم ءۇشىن باعالى دۇنيە سانايتىن سۋرەت اسىل اعامەن العاشقى كەزدەسۋدىڭ ەستەلىگى بولىپ قالدى, − دەپ ەدى مارقۇم سۇلتان اعا.
