نوسەر جاڭبىر وڭتۇستىك افريكانىڭ شىعىسىنداعى دۋربان قالاسىندا سۋ تاسقىنىن تۋدىردى. وسىعان بايلانىستى ەلدىڭ نەگىزگى پورتى قيراپ, كۆازۋلۋ-ناتال جاعالاۋىنداعى پروۆينتسياداعى جولدار دا اپاتقا ۇشىراعان. ەل بيلىگى ەشقانداي شارا قولدانا الماي وتىر.
ءىز-ءتۇزسىز جوعالعانداردى ىزدەۋ ءالى جالعاسىپ جاتىر. تۇرعىندار ۇيلەرىن تاستاپ كەتۋگە ءماجبۇر بولعان.
وڭتۇستىك افريكا رەسپۋبليكاسىنىڭ پرەزيدەنتى سيريل رامافوسا دۋربان قالاسىنداعى سۋ تاسقىنى مەن كوشكىننەن زارداپ شەككەن ەلدى مەكەندەرگە بارىپ, جاعدايدى كوردى. كۆازۋلۋ-ناتال پروۆينتسياسى اپات ايماعى دەپ جاريالاندى.
بيلىك زارداپ شەككەن بىرنەشە ادامعا ۋاقىتشا باسپانا بەردى.
ايانا توعانبەك
