دوساەۆتىڭ ايتۋىنشا, مامىردا قالالىق ماسليحاتقا بوستاندىق اۋدانى اۋماعىنا 9 قاباتتان بيىك تۇرعىن ءۇي سالۋدى شەكتەيتىن قۇجات ۇسىنىلادى.
قازىر بوستاندىق اۋدانىندا, ونىڭ ىشىندە «مەگا تسەنتر», «ادك» ساۋدا ورتالىقتارىنىڭ, بۇرىنعى جەمىس كونسەرۆىلەۋ كومبيناتىنىڭ جانىندا, سونداي-اق ساتباەۆ – بايتۇرسىنوۆ – بۇقار جىراۋ كوشەلەرى – ەسەنتاي وزەنى بولىگىندە تۇرعىن ءۇي قۇرىلىسى قارقىندى ءجۇرىپ جاتىر.
«قۇرىلىس ماسەلەلەرىن جۇيەلى تۇردە شەشۋ ءۇشىن بيىل مامىردا اباي داڭعىلىنىڭ وڭتۇستىگىندە شىعىس اينالما جولىنان ياسساۋي كوشەسىنە دەيىن 9 قاباتتان بيىك عيمارات سالۋدى شەكتەيتىن جاڭا رەگلامەنت قالا ءماسليحاتىنىڭ بەكىتۋىنە ۇسىنىلادى, ياعني بۇل پەريمەترگە بارلىق بوستاندىق اۋدانى كىرەدى», دەدى ە. دوساەۆ.
اكىمنىڭ ايتۋىنشا, الەۋمەتتىك ينفراقۇرىلىم وبەكتىلەرىن مىندەتتى تۇردە سالۋ تالاپتارىن ەسكەرىپ, قۇرىلىس سالۋ تاسىلدەرى قايتا قارالدى.
«بۇرىن رۇقسات بەرۋ كەزىندە قۇرىلىس سالۋشىلاردان بۇل قاتاڭ تالاپ ەتىلمەگەن», دەيدى اكىم.
