«10 ساۋىردە كوكشەتاۋ قالاسىندا ۇقك پوليتسيانىڭ جەكە قاۋىپسىزدىك بولىمشەسىمەن بىرلەسىپ, اقمولا وبلىسى پد باسقارما باستىعى مەن اعا جەدەل ۋاكىلىن ۇستادى. ۇستالعاندار لاۋازىمدىق وكىلەتىن تەرىس جانە اسىرا پايدالاندى دەپ كۇدىككە ىلىنگەن. پروتسەسسۋالدىق ءىس-شارالار بارىسىندا تەرگەلىپ جاتقان ىسكە قاتىسى بار اقشالاي قاراجات الىندى», دەلىنگەن ۇقك تاراتقان حابارلامادا.
ۆەدومستۆو مالىمەتىنشە, ۇستالعاندارعا قاتىستى «قاماۋدا ۇستاۋ» بۇلتارتپاۋ شاراسى تاڭدالعان. قر قك-نىڭ 361-بابى 2-1-بولىگى جانە 362-بابى 4-بولىگىنىڭ 3-تارماعى بويىنشا سوتالدى تەرگەۋ جۇرگىزىلىپ جاتىر.
