ەلىمىزدىڭ جاس تەننيسشىلەرى D توبىندا سوڭعى ماتچىن تايلاند قۇراماسىمەن وتكىزىپ, 2:1 ەسەبىمەن جەڭىسكە جەتتى. وسىلايشا قازاقستان جاسوسپىرىمدەر قۇراماسى ءوز توبىنان 1-ورىنمەن شيرەك فينالعا جولداما الدى. ەرتەڭ قازاقستاندىقتار جارتىلاي فينالعا شىعۋ ءۇشىن وڭتۇستىك كورەيامەن سايىسقا تۇسەدى.
جاسوسپىرىمدەر اراسىندا دەۆيس كۋبوگىنىڭ (الەم چەمپيوناتى) فينالدىق كەزەڭىنە تەك ءۇش كوماندا عانا جولداما الادى. سوندىقتان العا قويعان ماقساتقا جاقىنداي ءتۇسۋ ءۇشىن ەرتەڭ تەك جەڭىس كەرەك. بۇدان بۇرىن قازاقستاندىقتار ءوز توبىندا ۆەتنام مەن شري-لانكادان ايلاسىن اسىرعان بولاتىن.
