«90 ادامعا ارنالعان ەۋرو-5 ەكولوگيالىق توپتاعى ەدەنى تومەن, ءۇش ەسىكتى اۆتوبۋستار كونديتسيونەرمەن, بەينەباقىلاۋ كامەرالارىمەن, ايالدامالاردى جاريالاۋعا ارنالعان اۆتوماتتى دىبىستىق حابارلاندىرۋمەن, جۇرگىزۋشىنىڭ شارشاعانىن تىركەيتىن داتچيكپەن, بەينەتىركەگىشپەن, ەرەكشە قاجەتتىلىگى بار ادامدارعا ارنالعان پاندۋسپەن جانە باسقا دا وپتسيالارمەن جابدىقتالعان», دەپ جازىلعان اكىمدىك حابارلاماسىندا.
تەحنيكالىق جابدىقتاۋدان كەيىن بۇگىن 44 باعىت بويىنشا 14 جاڭا اۆتوبۋس جولعا شىقتى. قالعان اۆتوبۋستار تەحنيكالىق دايىندىعىنا قاراي جاقىن كۇندەرى جۇكتەمەسى كوپ باعىتتاردى جاڭارتۋ جانە كۇشەيتۋ ءۇشىن ىسكە قوسىلادى.
جالپى ءبىرىنشى جارتىجىلدىقتىڭ سوڭىنا دەيىن قوعامدىق كولىك پاركىنە 300 جاڭا اۆتوبۋس بەرىلەدى. ءبىر جىل ىشىندە جەكە تاسىمالداۋشى گازبەن جۇرەتىن قوسىمشا 250 اۆتوبۋس ساتىپ الادى.
