ايماقتار • 14 ءساۋىر، 2022

الماتىنىڭ قوعامدىق كولىك پاركى گازبەن جۇرەتىن 105 اۆتوبۋسپەن تولىقتى

61 رەت كورسەتىلدى

الماتىنىڭ قوعامدىق كولىك پاركى گازبەن جۇرەتىن 105 جاڭا ەكولوگيالىق تازا جانە جايلى Golden Dragon اۆتوبۋسىمەن تولىقتى. جاقىن ۋاقىتتا تاعى 45 اۆتوموبيل جەتكىزىلەدى. وسى جىلى الماتىدا ەكولوگيالىق تازا كولىك ۇلەسىن 50%-كە دەيىن جەتكىزۋ جوسپارلانىپ وتىر، دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.

«90 ادامعا ارنالعان ەۋرو-5 ەكولوگيالىق توپتاعى ەدەنى تومەن، ءۇش ەسىكتى اۆتوبۋستار كونديتسيونەرمەن، بەينەباقىلاۋ كامەرالارىمەن، ايالدامالاردى جاريالاۋعا ارنالعان اۆتوماتتى دىبىستىق حابارلاندىرۋمەن، جۇرگىزۋشىنىڭ شارشاعانىن تىركەيتىن داتچيكپەن، بەينەتىركەگىشپەن، ەرەكشە قاجەتتىلىگى بار ادامدارعا ارنالعان پاندۋسپەن جانە باسقا دا وپتسيالارمەن جابدىقتالعان»، دەپ جازىلعان اكىمدىك حابارلاماسىندا. 

تەحنيكالىق جابدىقتاۋدان كەيىن بۇگىن 44 باعىت بويىنشا 14 جاڭا اۆتوبۋس جولعا شىقتى. قالعان اۆتوبۋستار تەحنيكالىق دايىندىعىنا قاراي جاقىن كۇندەرى جۇكتەمەسى كوپ باعىتتاردى جاڭارتۋ جانە كۇشەيتۋ ءۇشىن ىسكە قوسىلادى.

جالپى ءبىرىنشى جارتىجىلدىقتىڭ سوڭىنا دەيىن قوعامدىق كولىك پاركىنە 300 جاڭا اۆتوبۋس بەرىلەدى. ءبىر جىل ىشىندە جەكە تاسىمالداۋشى گازبەن جۇرەتىن قوسىمشا 250 اۆتوبۋس ساتىپ الادى.

سوڭعى جاڭالىقتار

ۇقساس جاڭالىقتار