قازاقستان رەسپۋبليكاسى ۇكىمەتىنىڭ قاۋلىسى №51

2014 جىلعى 4 اقپان  استانا, ۇكىمەت ءۇيى «قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ مۇقتاجدارى ءۇشىن پايدالانىلاتىن اسكەري جانە قوسارلانعان ماقساتتاعى تاۋارلارعا (ونىمگە), جۇمىستار مەن كورسەتىلەتىن قىزمەتتەرگە اسكەري ستاندارتتاردى ازىرلەۋ, كەلىسۋ, قابىلداۋ, ەسەپكە الۋ, وزگەرتۋ جانە كۇشىن جويۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 مامىرداعى №651 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ مۇقتاجدارى ءۇشىن پايدالانىلاتىن اسكەري جانە قوسارلانعان ماقساتتاعى تاۋارلارعا (ونىمگە), جۇمىستار مەن كورسەتىلەتىن قىزمەتتەرگە اسكەري ستاندارتتاردى ازىرلەۋ, كەلىسۋ, قابىلداۋ, ەسەپكە الۋ, وزگەرتۋ جانە كۇشىن جويۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 مامىرداعى №651 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 51, 695-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ مۇقتاجدارى ءۇشىن پايدالانىلاتىن اسكەري جانە قوسارلانعان ماقساتتاعى تاۋارلارعا (ونىمگە), جۇمىستار مەن كورسەتىلەتىن قىزمەتتەرگە اسكەري ستاندارتتاردى ازىرلەۋ, كەلىسۋ, قابىلداۋ, ەسەپكە الۋ, وزگەرتۋ جانە كۇشىن جويۋ قاعيدالارىندا: 7-تارماقتىڭ 11) تارماقشاسى مىناداي رەداكتسيادا جازىلسىن: «11) اسكەري ماقساتتاعى وبەكت (اسكەري ستاندارتتاۋ وبەكتىسى) - اسكەري جانە قوسارلانعان ماقساتتاعى تاۋارلار ء(ونىم), جۇمىستار مەن كورسەتىلەتىن قىزمەتتەر;»; 10-تارماق مىناداي رەداكتسيادا جازىلسىن: «10. مەملەكەتتىك ورگانداردىڭ مۇددەسىنە ازىرلەنەتىن اسكەري ستاندارتتار رەسپۋبليكالىق بيۋدجەت قاراجاتى ەسەبىنەن جۇزەگە اسىرىلادى.»; 12-تارماق مىناداي رەداكتسيادا جازىلسىن: «12. اسكەري ستاندارتتاردىڭ جوبالارىن ءوز قۇزىرەتى شەگىندە مەملەكەتتىك ورگاندار, سونداي-اق قازاقستان رەسپۋبليكاسىنىڭ اۋماعىندا عىلىمي جانە (نەمەسە) كاسىپكەرلىك قىزمەتپەن اينالىساتىن, قۇپيا جۇمىستاردى جۇرگىزۋگە رۇقساتى جانە (نەمەسە) قارۋ-جاراق, اسكەري تەحنيكا مەن قارۋدىڭ جەكەلەگەن تۇرلەرى, جارىلعىش زاتتار مەن ولار قولدانىلاتىن بۇيىمدار اينالىمى سالاسىندا ليتسەنزياسى بار ۇيىمدار ازىرلەيدى.»; 14-تارماق مىناداي رەداكتسيادا جازىلسىن: «14. ازىرلەۋشى ۇيىم اسكەري ستاندارتتاۋ وبەكتىسىنە بايلانىستى اسكەري ستاندارتتىڭ جوباسىن ولاردىڭ قۇزىرەتى شەگىندە مۇددەلى مەملەكەتتىك ورگاندارمەن, ۆەدومستۆولارمەن, مەكەمەلەرمەن جانە زاڭدى تۇلعالارمەن كەلىسەدى.». 2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى        س.احمەتوۆ.