قوعام • 13 ءساۋىر، 2022

قاڭتار وقيعاسىندا قازا بولعانداردىڭ تۋىستارىنا قاراجات تولەنەدى

56 رەت كورسەتىلدى

قاڭتار وقيعالارى كەزىندە جازاتايىم قازا بولعان ادامداردىڭ تۋىستارىنا قاراجات اۋدارىلادى. بۇل تۋرالى «قازاقستان حالقىنا» قوعامدىق قورى توراعاسىنىڭ ورىنباسارى ءلاززات شىڭعىسباەۆا حابارلادى، دەپ جازادى Egemen.kz.

«بۇگىنگى تاڭدا قازا تاپقان 19 جانە اۋىر جارالانعان 106 ىشكى ىستەر مينيسترلىگى، ۇلتتىق قاۋىپسىزدىك كوميتەتى قىزمەتكەرلەرىنىڭ وتباسى مۇشەلەرىنە جانە قورعانىس مينيسترلىگى مەن رەسپۋبليكالىق ۇلاننىڭ اسكەري قىزمەتشىلەرىنە ماتەريالدىق كومەك كورسەتىلدى. جالپى سوما 451 ملن تەڭگەنى قۇرادى»، دەدى ءلاززات شىڭعىسباەۆا بريفينگ بارىسىندا.

ول سونداي-اق قاڭتار وقيعاسىندا جازاتايىم قازا بولعانداردىڭ تۋىستارىنا قاراجات بولىنگەنىن ايتتى.

«قازا بولعان ءۇش ازاماتتىڭ وتباسى مۇشەلەرىنە اقشالاي تولەمدەر جىبەرىلدى. سونداي-اق زارداپ شەككەن ءۇش بالانىڭ جانە قايتىس بولعان ەكى بالانىڭ وتباسىلارىنا اقشالاي تولەمدەر اۋدارىلدى. بۇل ساناتتاعى جاپا شەككەندەرگە تولەنگەن جالپى تولەم سوماسى 44 ملن تەڭگەنى قۇرادى»، دەدى قور وكىلى.

ايتا كەتسەك، سوڭعى ءۇش ايدا «قازاقستان حالقىنا» قوعامدىق قورىنا 126،05 ميلليارد تەڭگە قارجى ءتۇستى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار