فوتو: pixabay
شقو دەنساۋلىق ساقتاۋ باسقارماسىنىڭ ءباسپاسوز حاتشىسىنىڭ ايتۋىنشا, مۇستافا 2021 جىلى 16 جەلتوقساندا جۇكتىلىكتىڭ 25-اپتاسىندا دۇنيەگە كەلگەن. تۋعاندا نارەستەنىڭ سالماعى 750 گرامنان ءسال اساتىن.
بەس اي بويى ءبىز ونىڭ ءومىرى ءۇشىن كۇرەستىك. ال بالا بولسا, ناعىز جاۋىنگەر, بىزگە كومەكتەستى. قازىر ءسابيىمىزدىڭ سالماعى ءۇش كەلىدەن اسادى, دەدى ەمدەۋشى دارىگەر, نەوناتولوگ جاننا مۇقانوۆا YK-news.kz تىلشىسىنە.
ايتا كەتەيىك, مۇستافا – وتباسىنداعى بەسىنشى بالا. ونى ۇيدە اناسىمەن بىرگە ءتورت اپكەسى كۇتىپ وتىر.
«اقىرىنا دەيىن كۇرەسىڭىز, وزىڭىزگە نەمەسە بالالارىڭىزعا ءبىر مينۋت بولسا دا كۇماندانباڭىز. ءسىز ارقاشان كەرەمەتكە, عاجايىپقا سەنۋىڭىز كەرەك. ۇلىم ءۇش اي جانساقتاۋ بولىمىندە جاتقاندا ماعان ونى كۇندە كورۋگە رۇقسات بەردى. مەن بالامنىڭ اپكەلەرى تۋرالى ايتىپ, ونى قالاي كۇتىپ جۇرگەنىن ايتىپ, قاسىنا بارار ۋاقىتىمدى ساناپ وتىردىم», دەيدى ءسابيدىڭ اناسى.
